VOV4.Bahnar -  Pơgê năr 30/12, Kơ iĕng Thủ tướng Teh đak Nguyễn Hoà Bình hlôi vang năm păng iung pơma hop akŏm pơtôch bơ̆ jang vei lăng kon kông sơnăm 2024 păng tơlĕch tơdrong jang sơnăm 2025.

VOV4.Bhanar - Tơ̆ Hà Nội ‘nao pơgơ̆r Hop akom tơlĕch jang kiơ̆ rim khôi luơ̆t, tơdrong tơchơ̆t đei pơdrơ̆ng kiơ̆ tơ̆ ‘Măng hop akŏm mă 8 Kuô̆k hô̆i jăl XV. Hop akŏm kơ yuơ Kơdră chĕp pơgơ̆r Kuô̆k hô̆i Trần Thanh Mẫn hăm  Thủ tướng Phạm Minh Chính pơm tơm, đei pơdăh kơtă truh 63 dêh char, pơlei tơm lơ̆m teh đak. Tơ̆ hop akŏm, Thủ tướng athei "Khul kơdră teh đak păng Kuô̆k hô̆i dăh vang iung jang hơdoi hrôih tơlĕch jang kiơ̆ rim khôi luơ̆t, tơdrong tơchơ̆t vă trŏ lăp hăm tơdrong hơpơi ‘meh vă đơ̆ng kon pơlei".

VOV4.Bahnar - Tơdrong tơblăh vang hlôi tơ̆ rŏng mă lei dôm sơnăm “yak trong Trường Sơn” oei gei kơjăp lơ̆m jơhngơ̆m đon kơ dôm bơngai vang năm. Tơdrong tơroi dôm bơngai ƀôh kang bang kơ̆l vang vei lăng năng tông trong tơm dơnơm Trường Sơn, vang tơgŭm jơhngơ̆m, mŭk drăm đơ̆ng kon pơlei găh Tu mơ̆t năm tơ̆ kơdrăn tơblăh Tơring Pơbăh, hlôi pơjing đei tơdrong nuih mơng tơ̆ jăl trong Trường Sơn - trong Hồ Chí Minh nuih mơng, tơgop gĭt kăl lơ̆m ‘măng pơm rơngei hơdrĕch hơdrung, teh đak rơngei keh kong. 

VOV4.Bahnar – Sut lê̆ tơdrong ưh gơh chư jĭ minh lơ̆m dôm sơnong jang kăp gĭt tơgop hơtŏk tơdrong hlôh vao, pơ-'lơ̆ng tơdrong hơrih ăn kon pơlei. Tơ̆ Gia Lai, tơdrong jang âu tŏk bŏk đei tơlĕch jang kăp gĭt, mă kăl noh tơ̆ tơring kon pơlei kon kông. Hoàng Qui, chih kơtơ̆ng ang ăn Rađiô nơ̆r pơma Việt Nam tơ̆ Tây Nguyên đei ƀai chih tơroi gah tơdrong âu.

VOV4.Bahnar - Giĕng ou ki, Kơdră chĕp pơgơ̆r Kuô̆k hô̆i Trần Thanh Mẫn hlôi pơm tơm hop akoưm hăm rim hơnih bơ̆ jang kơ Kuô̆k hô̆i, hơnih jang găh Hơnih jang Khul kơdră chĕp pơgơ̆r Kuô̆k hô̆i, Hơnih bơ̆ jang Kuô̆k hô̆i găh pơtôch bơ̆ jang sơnăm 2024. Kơdră chĕp pơgơ̆r Kuô̆k hô̆i athei tơdrong tơbrar kơ hret lơ̆m hơnih bơ̆ jang Kuô̆k hô̆i kăl jang kiơ̆ mă kơhret hloh dơ̆ng. Pơm lơ liơ vă hơnih dơ̆ng, tơdrong lui yom kơ Kuô̆k hô̆i kăl atŏk kơtang lơ̆m tơpôl, lơ̆m kon pơlei. Mă kăl ‘noh kon pơlei lui kơ Kuôk hô̆i, Kuôk hô̆i kơ yuơ kon pơlei mă iung jang.

VOV4.Bahnar - Atŭm hăm tơdrong jang vei lăng năng tông jơhngơ̆m jăn ăn kang ƀô̆, ƀô̆ đô̆i vei lăng sơlam teh đak, khul ƀok thây pơgang ƀô̆ đô̆i vei lăng sơlam teh đak dêh char Gia Lai oei vang jang vei lăng năng tông jơhngơ̆m jăn ăn kon pơlei tơ̆ tơring. Hăm rim ƀok thây pơgang ƀô̆ đô̆i, tơgŭm djru ăn kon pơlei tơring sơlam teh đak ưh khan lăm chă khăm-ming hơmet jĭ jăn mă lei oei pơtho tơbăt, pơtho khan ăn kon pơlei găh tơdrong vei lăng năng tông kơdih jơhngơ̆m jăn, tang găn hơlou jĭ jăn, hơmet pơ ‘lơ̆ng jơhngơ̆m đon lui yom đơ̆ng kon pơlei hăm khul ƀô̆ đô̆i vei lăng sơlam teh đak.

VOV4.Bahnar - Jơnŭm pơgơ̆r kon pơlei dêh char Gia Lai ‘nao tơlĕch tơdrong tơchơ̆t găh tơdrong jang tơgŭm, sơng đei păng pơtho pơhrăm bơngai jang ƀak si tơ̆ dôm anih jang pơgang teh đak jăl jang 2025-2030.

VOV4.Bahnar – Năr 17/12, Binh Đoàn 15 pơgơ̆r et hơtŏk păng pơjao 3 tŏ rông wăn hoă ăn kon pơlei Jarai tơ̆ 3 xah sơlam teh kơ dêh char Gia Lai.

VOV4.Bahnar – Tơ̆ 'măng hop akŏm mă 9, Jơnŭm jang vei lăng kon pơlei dêh char Đăk Lăk jăl 10 'nao hơlen Tơchơ̆t “Pơkăp tơgŭm ăn kang ƀô̆, bơngai jang tơ̆ xah; bơngai iŏk jang tơgŭm tơ̆ xah rơkah kơyuơ đơ̆ng hơmet anih jang hanh chĭnh tơ̆ xah jăl sơnăm 2023 - 2030 lơ̆m tơring kơ dêh char Đăk Lăk.

VOV4.Bahnar - Jơnŭm vei lăng kon pơlei dêh char Gia Lai ‘nao pơjing Tơdrong tơchơ̆t tơgŭm djru kang ƀô̆, bơngai jang rơkăh lơ kơ yuơ hơmet pơ ‘lơ̆ng hơnih jang tơring lơ̆m jăl jang 2023-2025 gô đei tơgŭm ăn lơ hloh ‘noh 100 triu hlak jên lơ̆m 1 ‘nu.