VOV4.Bahnar - Jang kiơ̆ Tơdrong jang ăn bơngai jang năm bơ̆jang tơ̆ teh đak đe kiơ̆ pơm hla ar jăl jang 2024 – 2026, dêh char Đắk Lắk tơlĕch tơdrong hơgăt ăn 7.500 ‘nu bơngai jang năm jang tơ̆ teh đak đe.

VOV4.Bahnar - Dôm sơnăm ou ki, rim Kong tu ksu găh lơ̆m Binh đoàn 15 bơ̆ jang lơ̆m 2 dêh char Gia Lai păng Kon Tum ling lang krao tơmơ̆t, pơtho pơhrăm ăn bơngai jang bơngai kon kông. Tơdrong tơklep hăm kon pơlei tơring ưh khan lăp tơgŭm pơm sơđơ̆ng ‘lơ̆ng jang sa, mơdro sa kơ rim hơnih, mă oei tơgop atŏk tơ iung rim tơdrong lơ̆m hơrih sa kơ bơngai jang ‘noh bơngai kon kông lơ̆m tơring.

VOV4.Bahnar - Dôm năr ou ki, Hơnih mong jên tơgŭm djru tơpôl tơring Tây Nguyên hlôi tơlĕch rim tơdrong jang ăn tŏk iŏk tơgŭm ăn, tơgŭm ăn kon kông atŏk tơ iung mŭk drăm jơnei hơ iă.

VOV4.Bhanar - Tơ̆ hop akŏm khoa hŏk teh đak “Jơnei tih tên puih mak 1975 hăm chăl atŏk tơ iung ‘nao kơ hơdrĕch hơdrung Việt Nam” ‘nao đei pơgơ̆r tơ̆ pơlei tơm Hồ Chí Minh, rim nơ̆r tơgop hlôi sơkơ̆t hơdăh hơnăp jang tơm kơ jơhngơ̆m đon kon pơlei, kơ jơhngơ̆m pran kon pơlei, kơ jơhngơ̆m đon tơgoăt tơgoăl pôm nơ̆r ƀơ̆r đon ƀô̆ đô̆i-kon pơlei lơ̆m pơjing đei iŏk jơnei tih tên kơ chăl sơnăm. Dôm tơdrong kăl păng ƀôh hơdăh ‘noh hơnơ̆ng đei kiơ̆ yok rok jơ̆ng lơ̆m chăl kĕch mang hrei ou-mưh teh đak yak mơ̆t lơ̆m chăl tơplih ‘nao tôm tong, atŏk tơ iung tĕnh koăng păng kơjăp.

VOV4.Bahnar - Ƀlep lơ̆m năr tơbăt 50 sơnăm Năr Rơngei tơring pơbăh, Teh đak rơngei keh kong, pơgê năr 20/4, Tổng Bí thư Tô Lâm pơm tơm jơ tơƀơ̆p muh măt kơdră chĕp pơgơ̆r Đảng, Teh đak hăm kang ƀô̆ kĕch mang, bơngai đei iŏk yua ăn teh đak tơring Pơbăh.

VOV4.Bahnar - Lơ̆m dôm năr ou, dêh char Kon Tum tŏk bŏk oei hơtŏk jang tenh kiơ̆ tơdrong jang sut lê̆ hnam pơgia, hnam hyah hyok ăn kon pơlei.

VOV4.Bahnar - Hơmet ăn ‘măng hop akŏm mă 9, Kuô̆k hô̆i jăl XV, giĕng ou ki, ƀok Phan Đình Trạc, Kơdră jang lơ̆m Hơnih tơm Chinh trĭ, Bí thư Trung ương Đảng, Kơdră chĕp pơgơ̆r Ban Nội chính Trung ương atŭm hăm Khul kơdră tang măt Kuôk hô̆i dêh char Lâm Đồng tơƀơ̆p pơma dơnuh hăm bơngai tăh hla tơring Bình Thạnh, apŭng Đức Trọng. Găh tơdrong hơgrop jing mĭnh dêh char, tơring đei bơngai tăh hla lăng kơjăp păng tơgop nơ̆r.

VOV4.Bahnar - Kơsơ̆ năr 18/4, Khul kơpal kơ Anih jang gah Kon kông kơ Kuôk hô̆i hlôi pơm jang hăm Anih jang vei lăng kon pơlei dêh char Đăk Lăk gah pơm kiơ̆ Tơchơ̆t jang kơ teh đak hơtŏk mŭk drăm – tơpôl tơring kon pơlei kon kông păng groi kông, jăl sơnăm 2021–2030.

VOV4.Bahnar - Hơnih vei lăng kon pơlei dêh char Gia Lai ‘nao pơgơ̆r Pơm lêh tơbăt 60 sơnăm Năr joăt joe Ƀô̆ đô̆i vei lăng sơlam teh đak dêh char păng sơng iŏk Mê đai Vei lăng năng tông teh đak dơ̆ng mă Ƀar kơ yuơ Kơdră chĕp pơgơ̆r Teh đak pôk ăn. ‘Nou jing ‘măng pơgơ̆r tôch gĭt lkăl lơ̆m tơdrong jang chinh trĭ, vă pôk pơ ư dôm tơdrong tơgop tih tên đơ̆ng khul Ƀô̆ đô̆i vei lăng sơlam teh đak dêh char Gia Lai lơ̆m tơdrong jang tơ iung pơjing păng vei lăng Teh đak prăt 60 sơnăm ou ki.

VOV4.Bahnar – Truh dang ei, lơ̆m dêh char Đắk Lắk ‘nao man đei păng pơm hơmet ming 2.400 tŏ hnam, lăp iŏk đei hlŏh 40% pơting hăm nơ̆r hơgăt đei tơlĕch.