VOV4. Bahnar - Hơnih tơm Kŏng ang hlôi chă hơvơn păng pôk ăn 30 ti hlak jên vă tơgŭm ming man 500 pơbŭng hnam ăn ŭnh hnam dơnuh, vă jê̆ dơnuh păng ŭnh hnam đei iŏk yua ăn teh đak dang ei hơrih sa tơnap tap găh hnam oei lơ̆m dêh char Dak Nông.

VOV4.Bahnar – Pơm kiơ̆ tơchơ̆t sut lê̆ hnam pơgia, hnam hyah hyok ăn unh hnam kon pơlei, truh khei năr ou dêh char Kon Tum hlôi man 'nao, hơmet ming đei jê̆ 2.400 tŏ hnam, đei jơnei hloh 86% pơtêng hăm kơsô̆ hnam pơgia, hnam hyah hyok kăl man 'nao, hơmet ming.

VOV4. Bahnar - Giĕng ou ki, tơ̆ hop akŏm mă 9, Kuô̆k hô̆i hlôi mơ̆ng Hla bơar pơtruh ăn păng pơma dơnuh lơ̆m Khul trong vă pơjing Tơdrong tơchơ̆t hơmet ming, tơmơ̆t dơ̆ng mĭnh ƀar apăng kơ Khôi luơ̆t tơm Teh đak sơnăm 2013; rim kơdră tang măt Kuô̆k hô̆i akhan, trong vă pơjing tơdrong tơchơ̆t vă hơnơ̆ng pơm pơkeh khôi luơ̆t teh đak, trŏ lăp hăm tơdrong pơkoel atŏk tơ iung păng hơmet ming khul kơdră chĕp pơgơ̆r, hơmet pơ ‘lơ̆ng trong jang hơtŏ hơnơ̆ng xã hội chủ nghĩa, trŏ lăp hăm tơdrong pơkoel atŏk tơ iung teh đak lơ̆m chăl ‘nao.

VOV4.Bahnar - ‘Năr 6/5, tơ̆ pơlei tơm Buôn Ma Thuột, Trung ương Jơnŭm ‘long pơglang ƀrê Việt Nam jang hơdai hăm Anih vei lăng kon pơlei dêh char Đắk Lắk pơgơ̆r lêh tơlĕch jang Khei ‘mêm mơnat sơnăm 2025 hăm hơnăn Tơdrong jang ‘mêm mơnat - păr ang tơdrong ‘mêm kơ eng, ƀlep ƀơ̆t tơbăt năr ‘Long pơglang ƀrê păng khei tơƀang apŭng plĕnh teh.

VOV4.Bahnar – Tơdrong hơvơn “Pơm tơplih đon tơchĕng, trong pơm jang ăn kon pơlei kon kông, pơm ăn kon pơlei kon kông hơtŏk klaih đơ̆ng hin dơnuh kơjăp sơđơ̆ng” hlôi đei tơmơ̆t lơ̆m tơdrong hơrih, đei lơ kon pơlei drơ̆ng nơ̆r pơm kiơ̆. 'Nou jĭ sơkơ̆t đơ̆ng Tĭnh uy Kon Tum lơ̆m hop akŏm đei pơgơ̆r ah năr 6/5.

VOV4. Bahnar - Hơdrol ‘măng hop akŏm mă 9 kơ Kuô̆k hô̆i, tơ̆ ‘măng hop akŏm mă 44, Hơnih chep pơgơ̆r Kuôk hô̆i hlôi ăn tơgop nơ̆r găh lơ tơdrong gĭt kăl. Mă kăl ‘noh Trong vă pơjing Tơdrong tơchơ̆t găh pơm tơjur thuê̆ tĕch răt ăn 6 khei hơtuch sơnăm 2025 păng pơ đĭ lơ̆m sơnăm 2026; păng tơdrong hơmet ming, tơmơ̆t dơ̆ng tơdrong tơchơ̆t găh Tơdrong pơkăp hop akŏm Kuô̆k hô̆i. 

VOV4.Bahnar - Hăm hơnăn “Tơdrong jang ‘mêm mơnat - Păr ang ‘mêm kơ eng”, tơ̆ pơlei tơm Kon Tum, Jơnŭm ‘long pơglang ƀrê dêh char Kon Tum pơgơ̆r lêh tơlĕch jang Khei ‘Mên mơnat sơnăm 2025 păng Tơbăt năr ‘Long pơglang ƀrê păng khei tơƀang apŭng plĕnh 8/5.

VOV4. Bahnar - Hơdrol ‘măng hop akŏm mă 9 kơ Kuô̆k hô̆i, tơ̆ ‘măng hop akŏm mă 44, Hơnih chep pơgơ̆r Kuôk hô̆i hlôi ăn tơgop nơ̆r găh lơ tơdrong gĭt kăl. Mă kăl ‘noh Trong vă pơjing Tơdrong tơchơ̆t găh pơm tơjur thuê̆ tĕch răt ăn 6 khei hơtuch sơnăm 2025 păng pơ đĭ lơ̆m sơnăm 2026; păng tơdrong hơmet ming, tơmơ̆t dơ̆ng tơdrong tơchơ̆t găh Tơdrong pơkăp hop akŏm Kuô̆k hô̆i. 

VOV4.Bahnar - Tơ̆ dôm apŭng groi kông dêh char Quảng Nam oei pơih xă lơ trong jang atŏk tơiung mŭk drăm, pơjing hơyak tŏk ‘lơ̆ng lơ̆m tơdrong jang tơjur tơnuh hin. Kon pơlei iŏk đei tơdrong tơgŭm roi lơ, roi ƀônh đơ̆ng teh đak, vă chă tơdrong jang xa, pơm hơtŏk iŏk yoa.

VOV4.Bahnar - Hăm kon pơlei kon kông Tây Nguyên, tơdrong tŏk iŏk jên vă jang xa păng pơdreu dơ̆ng jên đêl tŏk iŏk, ‘nŏh jĭ tơdrong tôch pơmat, adrol sơ̆ pơm ăn lơ unh hnam tơchĕng du da chĭu pŭ pơmat tat, tơnuh hin bưh. Mă lei, đơ̆ng Anih mong jên tơgŭm tơpôl pơjing lơ anih jang tơ̆ jơ̆p tơring lơ̆m rim apŭng, rim xăh păng lơ pơlei đei Khul pơm hla ar asong tŏk iŏk... ‘nŏh tơdrong tŏk iŏk jên hăm jên kon tŏ sĕt hlôi jing tơdrong juăt, pơm hơtŏk đei tơdrong đei yoa ‘lơ̆ng mưh bơ̆ jang sut pơđĭ pơngot, tơjur tơnuh hin. Lơ unh hnam gơnơm đơ̆ng kơsô̆ jên đei tŏk iŏk âu mă gơ̆h đei mŭk drăm sơđơ̆ng ‘lơ̆ng.