VOV4.Bahnar – Kơsơ̆ brei (12/1), tơ̆ xăh Hòa Thắng, plt Buôn Ma Thuột, Jơnŭm ‘long pơglang ƀrê dêh char Đắk Lắk jang hơdoi hăm anih tơgŭm pơgơ̆r hơpăh tơmam Têt Nguyên đán Ất Tỵ păng khăm hơlen, roi tơƀôh găh tơdrong jĭ tơ̆ hơnĕnh ăn bơngai tơnuh.

VOV4.Bahnar - 5 dêh char Sơn La, Lai Châu, Điện Biên, Yên Bái păng Lào Cai tơ̆ tơring Tây Bắc đei băt jĭ tơring tơnuh hlŏh kơ teh đak bơ̆n. Tơ̆ lơ tơring, kơsô̆ unh hnam tơnuh oei tôch lơ, đei hlŏh 20% kơsô̆ kon pơlei lơ̆m dêh char. Vă tơiung jơhngâm đon adrin, pơjing jơhngâm pran ăn kon pơlei tŏk klăih đơ̆ng tơnuh, hơđơ̆ng jơhngâm yak mât lơ̆m chăl ‘nao kơ teh đak, dôm sơnăm tơjê̆ âu, dôm dêh char tơ̆ tơring Tây Bắc jang kiơ̆ tôch ‘lơ̆ng dôm trong jang đei yoa ‘lơ̆ng vă sut pơđĭ tơnuh hin.

VOV4.Bahnar - Tơdrong pơgơ̆r "Puih mak Ƀô̆ đô̆i vei lăng sơlam Teh đak - Chhơp jơhngơ̆m kon pơlei" ‘nao đei Ƀô̆ đô̆i vei lăng sơlam teh đak pơgơ̆r tơ̆ 2 apŭng kơ 2 dêh char Gia Lai hăm Dak Lăk. Tơdrong jang ou ưh khan lăp hơdrô̆ tơmam drăm, tơgum ăn kon pơlei đei sơng têt chơt hơ iă ‘nă hal hloh, mă lei oei jing tơlei tơgoăt kơjăp jơhngơ̆m đon ‘mêm kơ eng dih băl ƀô̆ đô̆i kon pơlei, tơgoăt kơjăp tơdrong tơgoăt tơgoăl ƀar păh khul Ƀô̆ đô̆i vei lăng Sơlam Teh đak hăm kon pơlei rim hơdrung, pơjing đei hơyak pran kơjăp iăp kơtang ăn mĭnh tơring sơlam teh đak rơngei hiôk hian, phĭ tơtŏ dơnŏ ‘lơ̆ng dơ̆ng kơjăp.

VOV4.Bahnar - Ƀât Tết nguyên đán Ất Tỵ âu kơnh, Jơnŭm ‘long pơglang ƀrê dêh char Đắk Lắk vă tơlĕch jên răt hơpăh tŏ sĕt hlŏh ‘nŏh 35.800 tơpu tơmam, tơgŭm ăn bơngai tơnuh, đei tơdrong arih xa pơmat tat gơ̆h sơng xa têt chơt hơiă ‘nă hal.

VOV4.Bahnar - Ƀât mă kơmăy sô̆ oei tŏk pran hrei ‘nâu, tơdrong pơih lăng mang jing tơdrong ưh đei thĭu lơ̆m tơdrong arih xa rim năr, mă lei hơdai hăm ‘nŏh jĭ lơ tơdrong krê ưh đei sơđơ̆ng găh dôm tơdrong ƀơm truh kơdih kâu. Dôm tơdrong krê âu roi dêh hlŏh dơ̆ng hăm đe hơioh yoa lơ oh tam mă băt dôm tơdrong hơmơt kŭm nhen trong tang găn. Yoa thoi noh athei đei trong pơtho tơƀôh ăn hơioh băt trong iŏk yoa điên thoăi păng mang internet mă lăp ‘lơ̆ng.

VOV4.Bahnar – Kơsơ̆ năr 6/1, tơ̆ Thĭ uy Buôn Hồ, Anih jang Tĭnh uy Đăk Lăk pơgơ̆r hop akŏm tơbang dôm tơchơ̆t gah tơdrong jang kang ƀô̆.

VOV4.Bahnar - Lơ̆m dôm năr ou ki, khul Kŏng ang iung jang hơdoi hăm khul kơdră tơring păng hơnih bơ̆ jang pơgơ̆r lơ tơdrong jang vei lăng năng tông Têt ăn bơngai dơnuh tơ̆ dêh char Dak Lăk.

VOV4.Bahnar - Lơ̆m dôm năr âu ki, tơ̆ tơring Tây Nguyên pơgơ̆r lơ tơdrong jang ‘mêm mơnat, tơgŭm bơngai dơnuh hin hơmet ăn sơng Tết Nguyên đán Ất Tỵ.  

VOV4.Bahnar - Hơnih bơ̆ jang Kuôk hô̆i ‘nao pơgơ̆r Hop akom pơtôch tơdrong bơ̆ jang sơnăm 2024, tơlĕch tơdrong jang sơnăm 2025. Vang năm păng iung pơma tơ Hop akŏm, Kơdră chĕp pơgơ̆r Kuô̆k hô̆i Trần Thanh Mẫn pơrô̆ athei hơnơ̆ng tơplih ‘nao trong bơ̆ jang, “atŏk kơtang” khul jang rim hơnih bơ̆ jang kơ Kuô̆k hô̆i, rim hơnih jang kơ Khul kơdră chĕp pơgơ̆r Kuô̆k hô̆i, rim hơnih jang găh Hơnih bơ̆ jang Kuô̆k hô̆i kiơ̆ trong tơlĕch ăn đơ̆ng Trung ương.

VOV4.Bahnar - Thủ tướng Teh đak Phạm Minh Chính kĭ Hla ar Tơchơ̆t kơsô̆ 1/CT-TTg ‘năr 3/1/2025 găh tơdrong kơchăng trong jang vei sơđơ̆ng pơtruh măh mai ŭnh điên yua ăn pơm tơlĕch tĕch mơdro păng tơdrong hơrih sa kon pơlei lơ̆m khei ‘năr kăl yua lơ ŭnh điên sơnăm 2025 păng jăl jang 2026-2030.