Khei ‘năr âu ki, dôm tơdrong jang hlôi hơnhăk ba lơ tơdrong ‘lơ̆ng, vang tơgop pơm hơtŏk mŭk drăm tơpôl – tơpôl, pơm hơtŏk tơdrong arih xa ăn kon pơlei. Tơ̆ xăh M’Drắk, kơsô̆ unh hnam tơnuh jur păh đơ̆ng 6–6,5% 1 sơnăm; anih jang, trong gre kăl đei tơlĕch jang hrơ̆ch ‘lơ̆ng, dôm pơlei pơla đei hnam hŏk hôp tơpôl ngăl, trong đei man bê tông, đĭ đăng unh hnam đei điên.

Yă Nguyễn Thị Thu Nguyệt – Vei lăng Khul tang măt Quốc hội dêh char – chih iŏk rim tơdrong adrin đơ̆ng tơring, atŭm hăm ‘nŏh athei hơnơ̆ng hơlen năng, hơmet pơ ‘lơ̆ng Khul kơdră pơgơ̆r, tơlĕch jang kiơ̆ trong “ƀô̆nh jang hơdrol, pơmat jang đơ̆ng rŏng” păng hơtŏk tơdrong pơtâp pơhrăm ăn kăn ƀô̆, ƀok pơgơ̆r pơlei pơla.