Kơmăng năr 27/7, tơ̆ Anih jang kơ Jơnŭm pơgơ̆r teh đak, Thủ tướng Phạm Minh Chính pơgơ̆r tơdrong hop akŏm gah tơlĕch man hnam trưng hŏk ăn dôm xah sơlam teh, đei hnam oei ăn đe hŏk tro păng bơngai pơtho. Thủ tướng ră hơdah, tơdrong pơm kiơ̆ Pơkăp kơsô̆ 81 đơ̆ng Anih tơm Chĭnh trĭ jing trong jang tih, kăp gĭt hloh. Lơ̆m jăl sơnăm 2025-2027, gô man 248 hnam trưng phôh thŏng nô̆i trŭ, ƀan trŭ jăl Kơđeh – THCS tơ̆ 248 xah sơlam teh. Thủ tướng pơgơ̆r athei jang mă tơtenh, hăt hot vă keh đang tŏ sĕt jat noh athei keh đang hloh 100 hnam trưng hơdrol kơ năr 30/8/2026.

Atŭm hăm noh, pơgơ̆r rim tơring tenh kuăng hơlen pơkăp, asong anih ming man, đei mah unh hơyuh, đak, viên thŏng... 'măn ăn tơdrong ming man. 'Nou jĭ sơnong jang kăl hloh vă hơtŏk bơngai jang, pơm trong hiôk ăn đe hŏk tro tơring hơtaih yaih, tơgop vei sơđơ̆ng tơpôl tơ̆ tơring sơlam teh đak.