‘Nâu jĭ đe oh hơla kơ 16 sơnăm, tôch pơmat tat nhen hơioh pơti, hơioh bơngai kon kông, tơ̆ tơring hơtăih yăih mă ưh ‘nŏh kon kăn ƀô̆, linh. Khei ‘năr âu ki, dôm khul linh, lơbơngai lơ̆m Anih công an iŏk tơgŭm jên rim khei, răt bơ̆n hơbăn ao, hla ar hŏk păng pơlung đe oh adrin hŏk pơhrăm mă ‘lơ̆ng. Lơ oh hŏk gơ̆h hơgei, đei xa pri.

Dôm sơnăm âu ki, dôm trong jang “Mĕ hơđơ̆ng”, “Kon rong công an” đei tơlĕch jang tơ̆ lơ tơring. Lơ̆m noh, Khul drŏ kăn Công an dêh char iŏk jang tơm. Dôm anih jang, khul grup adrin vang jang đei: công an dôm xăh, thĭ xăh Ayun Pa, apŭng K’Bang, Đak Pơ, Ia Pa…