Athei hơnơ̆ng jang kiơ̆ trong jang tơjur 2% thuê̆ kơjă tĕch răt
Thứ hai, 06:00, 05/05/2025 VOV/Amazưt tơblơ̆ nơ̆r. VOV/Amazưt tơblơ̆ nơ̆r.
VOV4. Bahnar - Hơdrol ‘măng hop akŏm mă 9 kơ Kuô̆k hô̆i, tơ̆ ‘măng hop akŏm mă 44, Hơnih chep pơgơ̆r Kuôk hô̆i hlôi ăn tơgop nơ̆r găh lơ tơdrong gĭt kăl. Mă kăl ‘noh Trong vă pơjing Tơdrong tơchơ̆t găh pơm tơjur thuê̆ tĕch răt ăn 6 khei hơtuch sơnăm 2025 păng pơ đĭ lơ̆m sơnăm 2026; păng tơdrong hơmet ming, tơmơ̆t dơ̆ng tơdrong tơchơ̆t găh Tơdrong pơkăp hop akŏm Kuô̆k hô̆i. 
Video Player is loading.
Current Time 0:00
/
Duration 0:00
Loaded: 0%
Progress: 0%
Stream Type LIVE
Remaining Time -0:00
 
1x

Đơ̆ng sơnăm 2022 truh đĭ khei 6 sơnăm ou, Kuô̆k hô̆i hlôi tơchơ̆t athei tơjur 2% thuê̆ tĕch răt hăm rim tơmam drăm tŏk bŏk jang kiơ̆ thuê̆ tĕch răt 10% (lê̆ pă 8%). Vă pơm pơtrŭt pơm tơlĕch, tĕch mơdro, pơtrŭt răt yoa, jang kiơ̆ trong tơlĕch jang tŏk mŭk drăm jơnei 8% năm tơ̆ lơ, Khul kơdră Teh đak hơnơ̆ng pơtruh ăn Kuô̆k hô̆i trong vă pơjing Tơdrong tơchơ̆t kơ Kuô̆k hô̆i găh pơm tơjur thuê̆ tĕch răt ăn 6 khei hơtuch sơnăm 2025 păng pơ đĭ lơ̆m sơnăm 2026. Mă hơdăh pơih să tơmam drăm đei tơjur 2% thuê̆ tĕch răt hăm tơmam drăm ăn pơm tơlĕch tĕch mơdro, tơmang pơhiơ̆, răt yoa nhen: Tơmam drăm, tơdrong jang kmăi kmok pơre nơ̆r, tơmam drăm đơ̆ng mam hling đang, ngar tơmo, đak dou, tơmam drăm hoă chơ̆t, ngar răt iŏk đơ̆ng teh đak đe păng tĕch tơlĕch lơ̆m tech mơdro, đak xăng, đak dou. Ưh tơjur thuê̆ tĕch răt hăm dôm tơmam drăm: viên thông, jên hu, hơnih mong jên, chưng khoan, ƀao hiêm, tĕch răt teh, tơmam drăm mam, tơmam drăm sir iŏk lơ̆m teh (ưh kơ jô̆ hăm ngar tơmo), tơmam drăm đei pơlăp thuê̆ tĕch răt kăl ( ưh kơ jô̆ hăm đak xăng, đak dou).

Lăp đon hăm trong tơlĕch ăn ou, rim kơdră lơ̆m Hơnih chep pơgơ̆r Kuô̆k hô̆i athei kăl lăng hơlen mă hơdăh hloh dơ̆ng dôm tơdrong đei ƀơm truh đơ̆ng trong tơchơ̆t ou. Kơdră chĕp pơgơ̆r Hơnih bơ̆ jang vei lăng Mŭk drăm păng Jên hu Phan Văn Mãi athei:“Đơ̆ng mă pơkom hơmet pơ ‘lơ̆ng khul jang păng kăl pơm kiơ̆ tơdrong jang tơlĕch ăn. Jang kiơ̆ rim trong bơ̆ jang tơgŭm ‘noh athei Khul kơdră chĕp pơgơ̆r teh đak lăng hơlen mă brĕ tơdrong đei dơ̆ng chă iŏk thuê̆, tơlĕch kon jên ou vă sơđơ̆ng ăn kon jên jang teh đak”.

Tơblang pơm hơdăh hloh dơ̆ng, Kơ iĕng Thủ tướng Teh đak Hồ Đức Phơc tơbăt:“Hăm tơdrong Tơchơ̆t ou gô tơjur thuê̆ hloh 232.000 ti hlak jên lơ̆m sơnăm ou. Khul kơdră chĕp pơgơ̆r teh đak gô pơrô̆ athei, đei trong jang thuê̆ trŏ lăp vă sơđơ̆ng ăn kon jên bơ̆ jang teh đak. Sơnăm ou găh tơdrong ăn sa jên khei hăm dôm bơngai ăn asong pơdơ̆h jang păng pơm kơtoei khul jang tŏk bŏk iok đơ̆ng hơnih mong jên khei adoi iŏk đơ̆ng kon jên bơ̆ jang teh đak”.

Kiơ̆ trong pơprŏ jang, khei ‘năr jang kiơ̆ Tơdrong tơchơ̆t đơ̆ng năr 1/7/2025 dĭng truh đĭ năr 31/12/2026.

Jei tơ̆ ‘măng hop akŏm mă 44, Hơnih bơ̆ jang Kuô̆k hô̆i hlôi ăn tơgop nơ̆r găh tơdrong hơmet ming, tơmơ̆t dơ̆ng tơdrong tơchơ̆t găh Trong bơ̆ jang hop akŏm Kuô̆k hô̆i. Tơdrong mă ou vă sơđơ̆ng ‘lơ̆ng hăm khul chĕp pơgơ̆r kơ rim hơnih bơ̆ jang kơ Kuô̆k hô̆i lăp đơ̆ng rŏng jang kiơ̆ hơmet pơ ‘lơ̆ng, drơ̆ng mĭnh nơ̆r hăm rim tơdrong tơchơ̆t tơ̆ rim khôi luơ̆t ‘nao pơjing, hơnơ̆ng pơm hơtŏk ‘lơ̆ng bơ̆ jang kơ Kuô̆k hô̆i lơ̆m chăl ‘nao. Kiơ̆ kơ ‘noh, rim trong pơprŏ tơdrong tơchơ̆t, tơbăt tơblang hơdăh, tơgoăt iŏk, hơmet ming trong vă pơjing khôi luơ̆t, trong vă pơjing tơdrong tơchơ̆t pơtruh ăn Kuô̆k hô̆i pơdrơ̆ng kiơ̆ păng tơlĕch mĭnh ƀar tơdrong oei đei nơ̆r pơma phara dih băl gô pơtruh ăn rim kơdră tang măt Kuô̆k hô̆i chă lăng hơlen klui hloh ‘noh 48 jơ hơdrol pơgơ̆r hop akom pơdrơ̆ng kiơ̆, đunh hloh ƀar ‘măng tơdrong tơchơ̆t hrei ou. Trong vă pơjing jei tơchơ̆t khei ‘năr rim bơngai tang măt Kuô̆k hô̆i iung pơma ‘măng mă blŭng ưh kơ đunh hloh 5 pơnĭt, ‘măng mă 2 ưh kơ đunh hloh 2 pơnĭt. Trong pơprŏ tơchơ̆t jơ ‘năr mĭnh ‘măng tơblang hơdăh đơ̆ng hơnih bơ̆ jang, khul bơ̆ jang, bơngai chĕp kơ̆l ưh kơ đunh hloh 15 pơnĭt jơ.

Tơ̆ Hop akŏm, Kơdră chĕp pơgơ̆r Kuô̆k hô̆i Trần Thanh Mẫn pơma hơdăh:“Atŏk kơtang iung jang tơpăt, hơdăh. Mă ƀar, kiơ̆ kơ ĭnh kăl pơm hơtŏk bơ̆ jang ‘lơ̆ng lơ̆m pơma dơnuh, tơchơt hơdăh jơ ‘năr, veh ver pơma tơ̆ ou tơ̆ to, ưh tơpăt hơyoh tơdrong ‘meh vă pơma. Kơ yuơ lơ loh, rim bơngai tang măt mưh iung pơma kăl hơmet đơ̆ng hơdrol mă brĕ, đei ‘măng dôm nơ̆r vă pơma chih pơtruh ăn Ban thư ký hơdrol vă sơđơ̆ng ăn hơlen chă proh ăn. Mă pêng dơ̆ng ‘noh Kuô̆k hô̆i pơm lơliơ truh ou kơnh ‘noh kăl atŏk kơtang pơma dơnuh hăm bơngai tăh hla. Lơ̆m bơ̆ jang Kuô̆k hô̆i kơsô̆ ‘noh bơ̆n lăng lăng truh tơdrong ‘nou”.

 

VOV/Amazưt tơblơ̆ nơ̆r.

Viết bình luận

TIN CÙNG CHUYÊN MỤC

Video