Đơ̆ng rŏng kơ Anih vei lăng kơ dêh char Gia Lai đei tơplih jur tơ̆ Quy Nhơn, kơhrĕng ‘nu kăn ƀô, bơngai jang đơ̆ng Pleiku hlôi tơƀâp lơ pơmat tat lơ̆m tơdrong yak vih vât păng pơm sơđơ̆ng tơdrong arih xa. Vă tơgŭm ăn đe sư, Anih vei lăng ming man Gia Lai pơgơ̆r lơ gre chơ ba đơ̆ng Pleiku năm tơ̆ Quy Nhơn păng vih hơlơ̆k dơ̆ng, pơtơm đơ̆ng 3 jơ pơgê rim năr. Dang ei dang 400 ‘nu kăn ƀô̆, bơngai jang yak hlŏh 160km năm tơ̆ anih jang ‘nao.

Găh đunh đai ning mônh kơnh, dêh char Gia Lai hơtŏk dôm tơdrong jang man hnam oei ăn tơpôl vă tơgŭm pơm sơđơ̆ng tơdrong arih xa ăn kăn ƀô̆. Tơchĕng adrol truh sơnăm 2026, dêh char gô đei dơ̆ng dang 5.000 tŏ hnam tơpôl păng 500 tŏ hnam ăn kăn ƀô̆ oei. ‘Nâu jĭ tơdrong adrin đơ̆ng khul kơdră tơring vă pơm ‘lơ̆ng ăn tơdrong bơ̆ jang păng arih xa kơ Khul kăn ƀô̆, atŭm hăm ‘nŏh pơjing jơhngâm pran ăn tơdrong jang tŏk sơđơ̆ng ‘lơ̆ng tơ̆ Anih vei lăng ‘nao.