Khŭl hlôi năm lăng tơ̆ Hơnih gru groa jơhnơr hơrih kơ teh đak tơ̆ xăh Đồng Xuân, hơnih pơjing Chi bộ Đảng cộng sản mă blŭng kơ dêh char Phú Yên so, păng Hơnih kăn kư̆ kach mang H9 tơ̆ plei Đắk Tuôr, xăh Cư Pui, dêh char Đắk Lắk.

‘Măng âu, khŭl hlôi pơjao asong 30 tong gre tang vang păng lơ hơbăn ao ‘nao ăn kơ hŏk tro đei tơdrong hơrih sa pơmat tat, kŭm hăm 236 tơpu tơmam truh dôm ŭnh hnam teh đak tơgŭm, kon pơlei kon kông, đei đe lui yom. Tơdrong jang âu vă vang tơgop pơmat tat, tơgop hơtŏk ‘lơ̆ng tơdrong hơrih sa kon pơlei, hơdai hăm vei kơjăp tơdrong pơvei đơ̆ng bơngai tang măt Quốc hội păng bơngai tăh hla, tơƀôh tơdrong bơngơ̆t truh đơ̆ng Đảng păng teh đak hăm tơring hơtăih hơtŏ.