Dêh char Lâm Đồng đei hloh 21.000 linh lôch tang ăn teh đak, jê̆ 16.700 linh jĭ rơka; jê̆ 4.630 yă ƀok kră jang kăch mạng sơ̆ păng kang ƀô̆ vang iung tơjră hơdrol ki, 2.460 Mĕ Việt Nam nuih mơng (29 mĕ oei hơrih). Kơsô̆ bơngai vang akŏm iung tơjră sơ̆, ƀơm ayăt rôp kron noh 43.100 'nu bơngai păng jê̆ 3.370 bơngai vang iung tơjră ƀơm pơgang pơnhŭl hoă hŏk pơrăm.

Kiơ̆ kơ ƀok Y Thanh Hà Niê Kđăm, Ƀĭ thư Tĭnh uy, Kơdră Khul jang tang măt ăn Kuôk hô̆i dêh char Lâm Đồng, atŭm hăm jơ̆p teh đak, Lâm Đồng hơnơ̆ng sơkơ̆t hơdah, tơrĕk tơgŭm ăn bơngai đei kŏng jing sơnong jang chinh trĭ, đon bơnôh 'mêm kơ-eng kăp gĭt. Kơyuơ noh, dêh char hlôi tơlĕch lơ tơchơ̆t tơgŭm ăn tơdrong hơrih păng tơdrong tơgŭm kăp gĭt nai.