Lăp đơ̆ng rŏng năm ngôi hloi tơ̆ 4 ŭnh hnam kăl hloh, Kơ iĕng Kơdră chĕp Kuô̆i hô̆i Nguyễn Thị Thanh hlôi tơƀơ̆p muh măt, pôk tơmam drăm ăn 100 ‘nu bơngai đei iŏk yoa ăn kĕch mang lơ̆m tơring Đà Lạt. Kơ iĕng Kơdră chĕp pơgơ̆r Kuô̆k hô̆i pơma hơdăh, Đảng păng Teh đak ling lang lăng kơjăp jang kiơ̆ trong jang tơgŭm djru ăn dôm bơngai đei iŏk yoa ăn teh đak, adoi athei Lâm Đồng hơnơ̆ng atŏk kơtang rim tơdrong jang “Lăng ba dôm bơngai đei iŏk yoa ăn teh đak”. Dang ei dêh char đei hloh 21.000 ‘nu ƀô̆ đô̆i lôch dŏng teh đak, 11.000 ‘nu ƀô̆ đô̆i rơka păng hloh 40.000 ‘nu bơngai vang jang iung tơblăh sơ̆. ‘Ngoăih 100 tơnô̆ tơmam drăm pôk ăn ‘măng mă ou, yă Nguyễn Thị Thanh jei chă hơvơn rim bơngai đei jơhngơ̆m đon ‘lơ̆ng tơgŭm dơ̆ng 400 tơnô̆ tơmam drăm pơtruh ăn rim bơngai đei iŏk yoa ăn teh đak tơ̆ Lâm Đồng, Dak Nông hăm Bình Thuận so.