Tơ̆ dôm hơnih truh, Phŏ Thủ tướng apĭnh jet gia jơhngơ̆m pran, tơƀôh jơhngơ̆m đon băt bơnê gĭt kăl tơ̆ hơnăp dôm tơdrong hŭt hơkâu, tơgop tih tên đơ̆ng rim jơhnơr năm hơdrol yua kơ tơdrong rơngei, hiôk hian kơ Teh đak.

Phŏ Thủ tướng ‘meh vă đe Mĕ Việt Nam nuih mơng, rim lĭnh jĭ rơka, jĭ jăn hơnơ̆ng vei lăng jơhngơ̆m pran, jĭ bơngai pơm jŭk yŭk trong hơlâu vă pơtho pơhrăm tơdrong joăt joe ‘mêm kơ teh đak ăn kơ jơhnơr mơlôh; athei khŭl kơdră tơring hơnơ̆ng bơngơ̆t truh vei lăng ‘lơ̆ng hloh tơdrong hơrih sa bơngai đei kŏng, mă loi ‘noh jĭ dôm bơngai đei tơdrong hơrih sa pơmat tat.