Kơsơ̆ năr 17/9, Khul kơdră chĕp pơgơ̆r Ƀô̆ đô̆i dêh char Dak Lăk pơgơ̆r tơƀơ̆p muh măt dôm bơngai đei kon pơlei lui yom lơ̆m kon kông. Lơ̆m dêh char dang ei đei 1.060 ‘nu bơngai đei kon pơlei lui yom kơtang găh 49 hơdrĕch hơdrung. Tơ̆ jơ tơƀơ̆p, rim bơngai tang măt tơroi tơbăt trong jang kơdih hơ iă ‘lơ̆ng bơ̆ jang pơrô̆ pơrôp, xek tơlang, tơ iung pơjing tơring tơrang ‘nao, pơrô̆ hơvơn hơdruh tơdăm năm pơm ƀô̆ đô̆i, Đại tá Niê Ta, Kơdră chĕp pơgơ̆r Khul ƀô̆ đô̆i dêh char Dak Lăk hôn bơnê dôm tơdrong tơgop tih tên đơ̆ng kră pơlei, thôn trơng, dôm bơngai đeon kon pơlei lui yom hăm tơdrong jang vei lăng sơđơ̆ng teh đak, sơđơ̆ng tơring. Đại tá Niê Ta athei hơnơ̆ng jang kiơ̆ ‘lơ̆ng hơ iă ƀar păh khôi luơ̆t teh đak hăm tơdrong khôi luơ̆t joăt joe, pơtho khan, pơrô̆ pơrôp kon pơlei jang kiơ̆ trong bơ̆ jang đơ̆ng Đảng, Teh đak. Jơ ‘năr ou, Khul kơdră Ƀô̆ đô̆i dêh char pôk ăn hla bơar hôn bơnê ăn 30 ‘nu bơngai jang ‘lơ̆ng hloh lơ̆m jang kiơ̆ tơdrong jang vei lăng sơđơ̆ng teh đak, tơgop tơ iung pơjing trong jang đĭ đăng kon pơlei vang vei lăng sơđơ̆ng teh đak.