Vang akŏm đei kơdră chĕp kơ̆l Đảng dêh char, Anih vei lăng kon pơlei dêh char kŭm vă jê̆ 100 ‘nu bơngai pơtho lui khop. Lâm Đồng dang ei đei 24 Khul lui đei asong hơkŭm krao khan, hăm hlŏh 1,67 triu ‘nu bơngai lui, 3.500 ‘nu ƀok pơtho lui khop păng vă jê̆ 1.300 anih hơkŭm trŏ luơ̆t. Dôm tơdrong lui đei pơgơ̆r sơđơ̆ng ‘lơ̆ng, trŏ luơ̆t, tơklep jơhngâm đon “Arih xa ‘lơ̆ng, lui kơjăp”, “Yak hơdai hăm hơdrĕch hơdrung”.

Pơma tơ̆ hop akŏm, yă Phạm Thị Phúc, Phŏ Bí thư Đảng dêh char, Kơdră Anih MTTQ dêh char athei rimn khul chĕp kơ̆l đảng, khul kơdră tơring hơnơ̆ng tơrek truh, mơ̆ng nơ̆r pơma, pơjing tơdrong ‘lơ̆ng ăn tơdrong lui khop pơgơ̆r hơkŭm, krao khan. Atŭm hăm ‘nŏh, hơpơi ‘mĕh dôm ƀok pơtho lui khop hơtŏk hơnăp jang, mât 1 ƀơ̆r đon kŭm hăm khul kơdră tơring păng kon pơlei, bơ̆ jang ‘lơ̆ng hơnăp jang đơ̆ng kon pơlei, vang tơgop pơjing Lâm Đồng jang tŏk pran kơjăp.