Tơ̆ Hnam trưng hŏk jăl 2 Chu Văn An (xăh Ia O, dêh char Gia Lai), Đại tá Đoàn Ngọc Báu – Chính ủy Ƀô̆ đô̆i Tơring sơlam dêh char Gia Lai hlôi kơtă pơjao tơmam pơlung blŭng sơnăm hŏk ăn kơ 2 ‘nu hŏk tro găh Tơdrong jang “Tơgŭm oh truh tơ̆ hnam trưng” păng 20 ‘nu oh nai lơ̆m tơdrong jang “kang ƀô̆, khŭl lĭnh ƀô̆ đô̆i tơgŭm oh truh tơ̆ hnam trưng”, hăm akŏm kơjă hloh 150 triệu hlak jên.

Dôm tơpu tơmam tơƀôh tơdrong ‘mêm, hơnăp jang đơ̆ng dôm bơngai lĭnh tơring sơlam ‘măn ăn jơhnơr mơlôh. ‘Nâu kŭm jing tơdrong pơlung đe oh yak hloh pơmat tat, sơđơ̆ng jơhngơ̆m hŏk pơhrăm. Jô̆ lơ̆m jơ̆p tơring sơlam Gia Lai, rim anih lĭnh vei lăng tơring sơlam dêh char asong 85 tơpu tơmam ( 1 tơpu 2 triệu hlak jên) găh tơdrong jang “Kon rong kơđông lĭnh vei lăng tơring sơlam” păng 193 tơpu tơmam 1 tơpu 7 triệu 400 rơbâu hlak jên lơ̆m tơdrong jang “Tơgŭm oh truh tơ̆ hnam trưng”. Akŏm jên đơ̆ng ‘măng tơgŭm vă jê̆ 1 ti 600 triệu hlak jên.