Jơ pơm lêh đei bơngai tang măt đơ̆ng Trung ương, Quân khu 5, Anih chĕp kơ̆l Binh đoàn 15, kơdră chĕp kơ̆l dêh char kŭm hăm lơ kăn ƀô̆, linh păng kon pơlei tơ̆ tơring. Pơma tơ̆ jơ pơm lêh pơdong, Phŏ Kơdră vei lăng kon pơlei dêh char Nguyễn Thị Thanh Lịch pơma hơdăh, Gia Lai jĭ kơdrăn tơblăh gĭt kăl hăm lơ tơdrong tơblăh tih nhen Tơblăh Pleime, Ia Drang, Ia Boòng, Ia Mơr, Ia Puch…

Sĕch pham đe linh vang tơgop pơjing đei tơdrong jơnei tih tên Pơyan Puih mak 1975, pơjing đei 1 teh đak kơjăp ‘lơ̆ng. Tơdrong tơchă, sir akŏm, ƀŭ hơmet kơting linh lôch tang teh đak ‘nŏh jĭ hơnăp jang tih, ƀĕnh jơhngâm đon ‘mêm đơ̆ng Đảng, Teh đak păng kon pơlei. 18 kơ̆l linh lôch tang ăn teh đak âu đei chă ƀôh đơ̆ng ‘năr 9–15/10 tơ̆ plei Gà (xăh Ia Boòng), lơ kơting linh oei đei hloi kuăl tăng, nih nŭn păng dôm tơmam nhen chơkhŏ cao su, ƀlak ao, tơsi.