Hnam hŏk hôp tơchĕng hơdrol pơm đang păng pơjao ăn gơh yua lơ̆m Jăl khei mă III sơnăm 2026. Mưh pơm đang, Hnam hŏk hôp tơpôl gô jing hơnih pơgơ̆r dôm tơdrong hŏk hôp, chă tơroi tơbăt trong jang đơ̆ng Đảng, tơdrong jang tơgŭm, khôi luơ̆t đơ̆ng teh đak; tơgop hơtŏk ‘lơ̆ng tơdrong hơrih sa jơhngơ̆m đon ăn Kon pơlei, chĕp vei păng tưk tơiung tơdrong ‘lơ̆ng joh ayŏ kon kông, hơdai hăm pơvih đei yua hơnăp jang vei lăng sơđơ̆ng tơ̆ tơring.

Hơdai lơ̆m năr, Quân khu 5 kŭm pơgơ̆r Lêh tơlĕch jang pơm Hnam hŏk hôp tơpôl tơ̆ thôn 12, xăh sơlam Ia Rvê (dêh char Đắk Lắk). Tơdrong jang đei man kiơ̆ hnam hôp pơlei, tơgop hơtŏk ‘lơ̆ng tơdrong hơrih sa joh ayŏ, jơhngơ̆m đon ăn kon pơlei tơring sơlam. Akŏm jên pơm 2 tŏ hnam hŏk hôp tơpôl ‘noh 5 ti hlak jên.