Tơ̆ rim tơring Ia Lốp, Ia Rvê, Ea Bung păng Buôn Đôn kơ dêh char Dak Lăk, Khul drŏ kăn dêh char hlôi pôk ăn 24 trong jang sa ăn rim drŏ kăn lơ̆m khul hơrih sa tơnap tap vă tơgŭm ăn rim ŭnh hnam atŏk tơ iung choh jang sa, sơđơ̆ng hơrih sa. Dôm trong tơgŭm djru đei sơke lai, rơmo păng kơpô, trŏ lăp hăm tơdrong chă vei păng tơdrong ‘meh vă đơ̆ng ŭnh hnam. Akŏp kon jên tơgŭm ăn ‘noh 260 triu hlak jên. ‘Nou jĭ tơdrong jang lơ̆m tơdrong pơgơ̆r “Puih mak Sơlam teh đak-chhŭr jơhngơ̆m ăn kon pơlei - pơla”, hăm dôm tơdrong jang trŏ lăp ‘lơ̆ng hơ iă vei lăng năng tông Têt ăn drŏ kăn, đe hơ ioh dơnuh, ŭnh hnam đei iŏk yoa ăn teh đak păng kon pơlei tơring hơtăih yăih, tơring sơlam teh đak.