Pơma ah 'măng hop akŏm, Kơdră Kuô̆k hô̆i ră hơdah tơdrong kăl hơtŏk 'lơ̆ng tơdrong jang tơgŭm khôi luơ̆t kiơ̆ đơ̆ng tơdrong pơjing trong pơkăp tơpăt, lơ̆m noh kăl pơkăp gah tơdrong athei iŏk nơ̆r tơgop đơ̆ng kon pơlei păng hơnih jang mŭk drăm thoi nhen dôm pơkăp tơdrong gơh jang kơ dêh char. Kiơ̆ Kơdră Kuô̆k hô̆i, tơdrong jang ou đei tơrĕk kơtă truh tơdrong hơrih jang xa kơ kon pơlei noh chih akŏm luơ̆t kăl iŏk nơ̆r đơ̆ng lơ trong, vei sơđơ̆ng ăn bơngai pơyua păng khul pơm jang.

Tơrĕk hloh noh, chih akŏm kăl pơih să khul bơngai đei xa tơgŭm, đei hloi bơngai đei tơdrong hơrih tơnap tap, bơngai jang ƀơm đe tơpuh, đei tơgar, adoi nhen pơih să hăm đe hơ-ioh lơ̆m dôm tơdrong đei tơrĕk. Atŭm hăm noh, athei pơkăp kơchư̆k jang, hơtŏk tơdrong tơgŭm păng vei sơđơ̆ng gơh đei iŏk tơdrong tơroi tơbăt đơ̆ng khôi luơ̆t vă hơtŏk jang tơnăp hloh.