Dêh char tơlĕch tơdrong hơgăt truh sơnăm 2030 đei tŏ sĕt hloh 80% kơsô̆ hnam trưng iŏk đei pơkăp ‘lơ̆ng kơ teh đak; rim hŏk tro đei gơh băt hơnih pơtho pơhrăm hơtŏ băl, ‘lơ̆ng. Rim tơring tơgŭm hơdrol tơmơ̆t jên jang ‘noh tơring hơnơ̆ng pŭ ƀơm ưh kơ ‘lơ̆ng đơ̆ng ‘mi kial pơrăm, tơring đei tơdrong mŭk drăm - tơpôl pơmat tat dêh hloh păng dôm hnam trưng lơ̆m tơdrong jang pơkăp ‘lơ̆ng kơ teh đak.

Kŭm hăm man ‘nao rơbâu lăm hŏk tơ̆ đĭ đăng rim jăl đơ̆ng mầm non truh jăl 3, Gia Lai kŭm lăng kăl tơmơ̆t jên jang dôm môn nhen Joh hơri, Chhơ̆, tơveh, Nơ̆r teh đak đe, Tin học păng mă loi ‘noh jĭ kơmăy lăm hŏk STEM, pơm lăp hăm ‘meh vă đơ̆ng Tơdrong jang pơtho pơhrăm hŏk ‘nao păng pơtrŭt tơplih kơsô̆ lơ̆m pơtho pơhrăm. Vă vei sơđơ̆ng đei yua tơdrong jang, Anih vei lăng kon pơlei dêh char Gia Lai pơjao hơnăp jang hơdăh ăn kơ rim anih jang păng tơring lơ̆m tơdrong dăr hơlen teh, hơlen lăng chhơ̆ pơm, hơdai hăm tơgep dôm jên jang đơ̆ng rim tơdrong jang tơm kơ teh đak.