VOV4.Bahnar – Kơsơ̆ năr 4/3, Khul kơpal kơ Anih tơm tơgŭm jang gah Khul linh (Anih tơm pơgơ̆r Khul linh teh đak) hlôi truh hơpong ngôi, asong tơmam păng pơjao hnam ăn unh hnam hin dơnuh, unh hnam mă teh đak tơchơ̆t tơgŭm lơ̆m dêh char Đăk Lăk.

VOV4.Bahnar – Tơ̆ xăh Ea Drông, thĭ xăh Buôn Hồ ‘nao pơm lêh man dôm tŏ hnam mă blŭng găh 1 lơ̆m 4 tơdrong jang sut pơđĭ hnam hiăh hiok tơ̆ dêh char Đắk Lắk. 

VOV4.Bahnar – Kang ƀô̆, khul linh tơ̆ Kơđông linh vei lăng sơlam teh đak dêh char Kon Tum tŏk bŏk oei hơtŏk tenh tơdrong man 'nao, ming hơmet jê̆ 200 tŏ hnam hyah hyok, hnam pơgia tơ̆ 13 xah sơlam teh.

VOV4.Bahnar - Giĕng ou ki, Khul kơdră chĕp pơgơ̆r Đảng ƀô̆ Kuô̆k hô̆i jăl jang 2020-2025 hlôi pơgơ̆r Hop akom tih ‘măng mă ƀar. Iung pơma pơrô̆ hop akŏm, Bí thư Đảng ủy Kuô̆k hô̆i, Kơdră chĕp pơgơ̆r Trần Thanh Mẫn pơma hơdăh hơnăp jang, hơnih dơ̆ng kơ Kuô̆k hô̆i roi năr roi tŏk kơtang, tơchơ̆t lơ tơdrong tih, trŏ lăp hăm jơhngơ̆m đon kon pơlei. Kuô̆k hô̆i hlôi pơjing đei jơhngơ̆m đon lui yom, jơhngơm đon hơmĕng đơ̆ng bơngai tăh hla păng kon pơlei ling lang gô chang gơnang yoa lơ̆m rim tơdrong jang kơ Kuô̆k hô̆i.

VOV4. Bahnar - Ou ki, tơ̆ Hơnih rapor Pơdăh Tivi Khul Ƀô̆ đô̆i Hà Nội, hlôi pơgơ̆r Pơm lêh Pôk pơ ư dôm bơngai jang “Pơrô̆ pơrôp hơgei” kơ Khul Ƀô̆ đô̆i tơ̆ tơring kon kông păng groi kông. 35 khul păng 80 ‘nu bơngai đei pô pơ ư kơ yuơ hlôi tơgop kơtang lơ̆m tơdrong jang pơrô̆ pơrôp, tơgop hơmet pơ ‘lơ̆ng bơ̆jang vei lăng teh đak, sơđơ̆ng tơring păng tơ iung pơjing trong jang vei lăng sơđơ̆ng gơnang lơ̆m kon pơlei.

VOV4.Bahnar – Kơsơ̆ năr 27/2, tơ̆ Lêh tơbăt 70 sơnăm Năr Thâi pơgang Việt Nam, Anih jang vei lăng kon pơlei dêh char Kon Tum pơgơ̆r Lêh pôk hơnăn Thâi pơgang Ưu tŭ đơ̆ng Kơdră teh đak pôk ăn 12 ƀak si.

VOV4.Bahnar – ‘Năr brei (25/2), Công an dêh char Gia Lai pơm lêh tơlĕch jang ming man, pơjao hnam păng jên man yoa Anih tơm vei lăng Công an tơgŭm lơ̆m tơdrong jang vang sut pơđĭ hnam hiăh hiok tơ̆ dêh char.

VOV4.Bahnar - Khŭl vei lăng tơgŭm Bơngai jo jăn păng vei lăng Tơdrong pơm tơm kơ đe hơioh dêh char Đắk Lắk hlôi pơgơ̆r pơjao asong 100 kơsuơ̆t jên hŏk ƀŏng tơgŭm dôm hŏk tro jo jăn păng hơioh mơti đei tơdrong hơrih sa mơmat tat tơ̆ pơlei tơm Buôn Ma Thuột.

VOV4.Bahnar – Nơ̆r tơroi đơ̆ng Anih vei lăng kon pơlei dêh char Đắk Lắk, truh dang ei, dôm anih jang, tơring tơrang lơ̆m dêh char mong akŏm đei hlŏh 193 ti hlak jên vă bơ̆ jang tơdrong jang sut pơđi hnam hiăh hiok ăn unh hnam tơnuh hin, vă jê̆ tơnuh.

VOV4.Bhanar - Giĕng ou ki, hăm tơdrong chĕp pơgơ̆r đơ̆ng Kơdră chĕp pơgơ̆r Kuô̆k hô̆i Trần Thanh Mẫn, Hơnih bơ̆ jang Kuô̆k hô̆i hlôi hop akŏm lăng hơlen, pơdrơ̆ng kiơ̆ Tơdrong tơchơ̆t găh tơdrong jang, tơdrong gơh jang păng hơmet ming rim hơnih bơ̆ jang kơ Jơnum vei lăng kon kông, rim hơnih bơ̆ jang kơ Kuô̆k hô̆i. ‘Măng hop akom đei pơgơ̆r lăp đơ̆ng rŏng Hơnih bơ̆ jang chĕp pơgơ̆r Kuô̆k hô̆i đei hơmet pơ ‘lơ̆ng tơ̆ ‘Măng hop akom hăt hot mă 9, Kuô̆k hô̆i jăl XV. Hloh đơ̆ng noh, Xơkơ̆t hơdăh tơdrong jang, tơdrong gơh jang, hơmet ming hơ ‘lơ̆ng rim hơnih bơ̆ jang kơ Kuô̆k hô̆i.