Pơgê năr 25/6, Ƀĭ thư Trung ương Đảng, Phŏ Thủ tướng Teh đak bơ̆n Phạm Thị Thanh Trà pơgơ̆r Hop akŏm sơkơ̆t tơdrong jang kơ 6 khei blŭng sơnăm păng tơlĕch sơnong jang ăn 6 khei hơtuch sơnăm 2026 gah tơdrong jang chơ chă sir kôch akŏm păng sơkơ̆t hơnăn măt linh lôch tang ăn teh đak. Kiơ̆ tơroi, đơ̆ng blŭng sơnăm truh dang ei, jơ̆p teh đak hlôi chơ chă sir kôch đei 1.255 kơting linh lôch tang păng 3 pơsat ƀŭ atŭm tơ̆ Tuyên Quang; akŏm iŏk hloh 93.400 sĕch pham 'nhŏng oh linh lôch tang, vă chih tơmơ̆t lơ̆m hloh 53.000 hơnih chih răk tơdrong kăl.

Pơma ah hop akŏm, Phŏ Thủ tướng Phạm Thị Thanh Trà ăn tơbăt, đơ̆ng dang ei truh hơtuch sơnăm, jơ̆p teh đak hơdrin chơ chă sir kôch akŏm pơhlom 3.000 kơting linh lôch tang; pơjao pơhlom 110.000 kơcheh kơting; akŏm pơhlom 100.000 sĕch pham 'nhŏng oh linh lôch tang păng sơkơ̆t hơdah ADN pơhlom 9.000 kơcheh kơting. Phŏ Thủ tướng Phạm Thị Thanh Trà akhan athei akŏm tôm jơhngơ̆m vă pơm jang đei jơnei Tơlĕch jang 500 măng năr, hơtŏk kơtang tơdrong chơ chă kôch akŏm kơting linh lôch tang lơ̆m jơ̆p teh đak.