‘Nâu jĭ tơdrong jang đei Khul tơgŭm ăn unh hnam linh lôch tang ăn teh đak Việt Nam jang hơdoi hăm Tơdrong jang Kơmăy sô̆ ‘mêm kơ eng kơ teh đak găh Anih mong jên tĕch mơdro hơdai kơ Khul linh (MB) tơlĕch vă hơnơ̆ng mong akŏm jên tơmam, lơ̆m tơpôl pơyoa ăn tơdrong jang tơgŭm, năm sir chă, pôi akŏm păng chih hơdăh hơnăn đe linh lôch tang ăn teh đak. Atŭm hăm ‘nŏh, đei jên vă vei lăng năng tông dôm unh hnam linh lôch tang ăn teh đak, tưk tơiung jơhngâm đon ‘lơ̆ng “Nhă đak ƀlŏk kơtu”, “Tơgŭm ăn bơngai đei kŏng” lơ̆m tơpôl.