Pơtôch dăr hơlen bơ̆jang kiơ̆ pơtho đơ̆ng Anih tơm vei lăng bơngai kon kông păng lui khop, ăn ƀôh, dêh char Lâm Đồng băt hơdah ‘meh vă kăl tơmơ̆t jên jang pơm 55 hơnih pơtruh đak yua akŏm hăm akŏm jên vă jê̆ 245 ti hlak jên; 19 tơdrong jang unh điên, ‘noh đei 16 trong tơley unh điên păng 3 tơdrong jang unh điên tơ̆k hơdah, hăm akŏm jên vă 79 ti hlak jên.

Kŭm hăm noh, dêh char tơlĕch ăn tơgŭm man hnam oei ăn kơ 35 unh hnam đei tơdrong hơrih sa mơmat tat, jên 1,75 ti hlak jên. Akŏm ‘meh vă jên bơ̆jang dôm tơdrong jang kăl hloh 325 ti hlak jên, pơđĭ ‘noh jĭ jên tơmơ̆t jên jang hơtŏk tơiung. Lâm Đồng băt hơdah tơgŭm hơdrol akŏm jên, tơmam tơlĕch jang dôm tơdrong jang tơ̆ 218 pơlei mơmat tat dêh hloh tơgop tơplih ‘lơ̆ng oei sa, hơtŏk ‘lơ̆ng tơdrong hơrih sa ăn kon pơlei kon kông.