Lăng truh tơbăt 79 sơnăm Năr Ƀô̆ đô̆i rơka-Lôch dŏng teh đak (27/7), pơgê ou (23/7), tơ̆ Hà Nội, Hơnih tơm Nô̆i vŭ pơm tơm, iung jang hơdoi hăm rim hơnih bơ̆ jang ƀơm truh vang pơgơ̆r Hop akom pôk bơnê dôm bơngai đei iŏk yoa ăn kech mang lơ̆m teh đak sơnăm 2026. Hloh 300 ‘nu bơngai gĭt kăl tang măt ăn kơ triu ƀô̆ đô̆i rơka, ƀô̆ đô̆i jĭ jăn, ŭnh hnam ƀô̆ đô̆i lôch dŏng teh đak păng bơngai đei iŏk yoa ăn teh đak lơ̆m teh đak vang năm hop akom. ‘Nou jĭ dôm bơngai ‘lơ̆ng găh hơdrin yak hloh tơnap tap, hơnơ̆ng tơgop ăn tơdrong jang tơ iung pơjing, atok tơ iung teh đak păng  vei lăng Teh đak lơ̆m chăl hle. Hop akŏm jĭ jơ ‘năr gĭt kăl hloh vă Đảng, teh đak păng kon pơlei tơbăt jơhngơ̆m đon hôn bơnê kơtang hăm dôm tơdrong tơgop, plang ăn pham lech sĕch huŏng đơ̆ng rim ƀô̆ đô̆i nuih mơng lôch dŏng teh đak, ƀô̆ đô̆i rơka, ƀô̆ đô̆i jĭ jăn. Kiơ̆ đơ̆ng ou tơbăt ăn jơhngơ̆m kơrŭn đĭ ai hơnơ̆ng iung jang kiơ̆ jơnei rim trong jang tơgŭm djru ‘lơ̆ng hăm rim ŭnh hnam đei iŏk yoa ăn teh đak.