VOV.Bahnar - ‘Măng pôk rơih Kơdră tang măt Kuô̆k hô̆i jăl XVI păng kơdră tang măt Jơnum vei lăng kon pơlei rim kâp jăl jang 2026-2031 ‘noh tơdrong pơgơ̆r chinh trĭ gĭt kal, tơdrong hơpơi ‘meh vă păng sơnong pơm tơm kơ dih kơ Kon pơlei đei tơƀôh hơdăh dôm tơdrong ‘lơ̆ng hơ iă hloh. Năr lêh pôk rơih ‘noh năr lêh hơtŏ hơnơ̆ng, kơ jơhngơ̆m đon lui kơjăp păng hơnăp jang kon pơlei hăm tơdrong jang kơ teh đak.

VOV.Bahnar - Dôm năr tơjê̆ Tết Nguyên đán Bính Ngọ 2026, lơ tơring Tây Nguyên, tơring groi kông chơt hơiă dôm tơdrong jang hiơ̆k bơngơ̆t vei lăng tơdrong hơrih sa ăn ŭnh hnam teh đak tơgŭm, ŭnh hnam dơnuh hin, kon pơlei kon kông, tơƀôh jơhngơ̆m đon “Pơyan puih mak hiôk jơhngơ̆m - Têt ‘mêm kơ eng”.

VOV.Bahnar - Tơring “tơm” ‘mi kial hơbut hơbông pơrăm păh hơlech kơ dêh char Dak Lăk tŏk bŏk hơmet pơ ‘lơ̆ng ƀôh hơdăh mưh bơ̆ jang hơmet pơ ‘lơ̆ng đơ̆ng rŏng ‘mi kial hơbut hơbông pơrăm đei iung jang tơnăp, jơnei; dôm pơbŭng hnam ‘nao ‘lơ̆ng liem, tơdrong hơrih kơ kon pơlei roi năr roi sơđơ̆ng, jơhngơ̆m đon lui pang iung jang tơ iung pơjing hơnô̆ hơnăp đei iung jang kơtang. Um rup hla kơ ƀrê sơnglŏng dreng păr mơliơk tơ̆ dôm pơbŭng hnam ‘nao ming man pơjing đei jơhngơ̆m đon chơt hơ iă ‘nă hal, kơkuh song puih mak ‘nao Bính Ngọ 2026.

VOV.Bahnar - Tơ̆ Hơbnih gru gra gĭt kăl dăr sơnăm teh đak Hòa Thịnh, dêh char Dak Lăk, rim hơnih khul ƀô̆ đô̆i pơgơ̆r “Puih mak Quân khu 5 tơgoăt tơgoăl - Têt ƀĕnh ƀang jơhngơm đon ‘mêm kơ eng dih băl ƀô̆ đô̆i kon pơlei”, pơgơ̆r tôch gĭt kăl ba Têt hiôk chơt truh hăm kon pơlei tơring răm kơtang đơ̆ng ‘mi kial hơbŭt hơbông kơtang hloh pơrăm lơ̆m hơtuch sơnăm 2025.

VOV.Bahnar - Kŭm hăm dôm tơdrong tơgum tôch đei yoa đơ̆ng Đảng păng teh đak, dôm tơmam hơpăh kăp gĭt đơ̆ng khul linh păng bơngai đei đon ‘lơ̆ng hlôi tơgŭm ăn rơbâu unh hnam tơ̆ tơring sơlam kơ dêh char Lâm Đồng sơng 1 pơyan têt hiôk chơt, đei tôm tơmam yoa. Tơdrong tơtăm đơ̆ng khul linh, khul kơdră pơgơ̆r tơring păng tơpôl, hlôi tơgŭm ăn dôm pơlei pơla tơ̆ tơring sơlam roi chơt hơiă, pơjing jơhngâm đon hơđơ̆ng, dơ̆ng kơjăp ăn kon pơlei tơ̆ tơring sơlam kơ teh đak.  

VOV.Bahnar - Hơnih vei lăng tơgŭm tơpôl dêh char Đắk Lắk, Anih vei lăng găh jang pơgang Đắk Lắk jang hơdai hăm dôm anih jang tơgŭm pơgơ̆r Tơdrong jang Gala “Pơyan puih mak ‘mêm kơ eng - Têt ngôi hơdai”, asong tơmam păng pơjao lì xì Tết tơ̆ hơnih Vei lăng tơgŭm tơpôl dêh char păng hơioh đei tơdrong hơrih sa mơmat tat lơ̆m tơpôl.

VOV.Bahnar - Thiếu tướng Trần Minh Trọng, Kơ iĕng Kơdră chĕp pơgơ̆r Đảng Quân khu 5 hlôi pơm tơm jơ bơ̆ jang hăm Khul kơdră chĕp pơgơ̆r Ƀô̆ đô̆i dêh char Dak Lăk păng rim hơnih bơ̆ jang ƀơm truh găh dăr lăng bơ̆ jang hơmet ăn pơm lêh iung jang ming man hnam mtrương tơ̆ tơring Ea Rôk, dêh char Dak Lăk. 

VOV.Bahnar - Tơdrong bơngơ̆t truh, vei lăng đơ̆ng Đảng păng Teh đak hơnơ̆ng păr ang truh rim pơlei pơla Tây Nguyên, tơgop tơgŭm tơdrong hơrih sa kon pơlei dôm hơdrĕch kon kông roi ‘năr roi tơplih ‘lơ̆ng, jơhngơ̆m sơng Têt roi hiôk, chơt hơiă hloh.

VOV.Bahnar - Bơ̆ jang hơmet ăn ‘măng pôk rơih Kơdră tang măt Kuôk hô̆i jăl XVI păng Kơdră tang măt Jơnŭm vei lăng kon pơlei rim kâp jăl jang 2026–2031 tŏk bŏk tơlĕch ‘lơ̆ng đơ̆ng Trung ương truh tơ̆ tơring, hăm tơdrong tơm ‘noh sơđơ̆ng ƀlep khei ‘năr pơkă, ƀlep trong tơlĕch ăn, hơtŏ hơnơ̆ng, tơpăt păng sơđơ̆ng kơtang. Hloh đơ̆ng dăr lăng tơ̆ pơlei tơm Huế păng rim ‘măng hop akŏm tơlĕch jang tơ̆ ak Lăk, rim hơnih bơ̆ jang ƀôh đei lơ tơdrong hơ iă lơ̆m chĕp pơgơ̆r, hop akŏm pơdrơ̆ng dih băl, pơtho pơhrăm ming tơdrong jang, dăr lăng tơring.

VOV. Bahnar - Lơ̆m jơ ‘năr chơt hơ iă ‘nă hal sơng Têt Nguyên đán Bính Ngọ 2026, tơ̆ tơring sơlam teh đak dêh char Gia Lai, dêh char Dak Lăk, rim khul ƀô̆ đô̆i pơgơ̆r ““Puih mak sơlam teh đak ƀô̆ đô̆i kon pơlei tơgoăt dih băl hơ iă”, hăm lơ tơdrong pơgơ̆r hơ iă, hơnhăk ba pơyan puih mak ‘lơ̆ng rŏ hơbŏ nhen truh hăm kon pơlei.