VOV4.Bahnar - Tơ̆ Hà Nội ‘nao pơgơ̆r Hop akŏm Đảng khul Kuô̆k hô̆i hăm Khul Kơdră Đảng kơ Khul kơdră chĕp pơgơ̆r Teh đak găh bơ̆ jang hơmet ăn ‘Măng hop akŏm mă 8, Kuô̆k hô̆i jăl XV. Kơdră chĕp pơgơ̆r Kuô̆k hô̆i Trần Thanh Mẫn hăm Thủ tướng Teh đak Phạm Minh Chính vang chĕp pơgơ̆r hop akŏm. Kơdră chĕp pơgơ̆r Kuô̆k hô̆i Trần Thanh Mẫn athei, rim hơnih bơ̆ jang kăl pơtruh ăn hla bơar ăn Kuô̆k hô̆i hơdrol năr 1/10, kăl sơđơ̆ng ‘lơ̆ng hơ iă.

VOV4.Bahnar – Dôm sơnăm kơ âu, dêh char Gia Lai hlôi tơrĕk asong ming man dơnâu mong đak sŏ nhă rơgoh tơ̆ tơring pơsĕl vă hơtŏk pơ-‘lơ̆ng tơdrong hơrih ăn kon pơlei, mă kăl tơ̆ tơring kon pơlei kon kông.

VOV4.Bahnar - Pơgê 20/9, Khŭl vei lăng drŏ kăn dêh char Đắk Lắk jang hơdai hăm Khŭl bơngai kră dêh char pơgơ̆r Hop akŏm pôk pơ ư kơdrŏ kăn kră jang ‘lơ̆ng lơ̆m pơjing ŭnh hnam hơrih sa ‘lơ̆ng hơiă, phĭ tơnŏ, hiôk hian sơnăm 2024. 

VOV4.Bahnar - Kră pơlei, bơngai đei bưng ai, grih tih tơ̆ pơlei pơla kơ dêh char Đắk Nông oei tơgop gĭt kăl lơ̆m tơdrong vei kơjăp tơdrong sơđơ̆ng păng jang tŏk mŭk drăm tơpôl tơ̆ tơring. Dêh char Đắk Nông kŭm đei lơ trong jang vă hơnơ̆ng pơm hơtŏk hơnăp jang đơ̆ng dôm bơngai đei grih tih tơ̆ tơring kon kông, vang tơgop akŏm đei jơhngâm pran jang đei đon pơhnŏng tưk tơiung dêh char jing dêh char đei ƀôh tơ̆ tơring Tây Nguyên. Đe kră pơlei, bơngai đei bưng ai, grih tih đei pơtih nhen thoi dôm “bơngai vei lăng tơ̆ pơlei pơla”.

VOV4. Bahnar - Dôm năr ou ki, dêh char Dak Lăk hlôi chă hơvơn đei kơ mơjĭt ti hlak jên păng lơ tơmam drăm kăl vă vang tơgŭm djru ăn kon pơlei tơring ‘mi kial hơbŭt hơbông pơrăm rim dêh char găh Tu yak hloh tơnap tap.

VOV4.Bahnar -Dêh char Kon Tum pơgơ̆r Lêh tơlĕch jang tơdrong jang pơjei băl “Vang tơgŭm sut hnam pơgia, hnam hiăh hiot” hăm tơdrong hơgăt truh đĭ sơnăm 2025 gô ưh pă đei ŭnh hnam dơnuh hin, vă jê̆ dơnuh hin athei hơrih lơ̆m hnam pơm pơgia hiăh hiot.

VOV4.Bahnar - ‘Năr brei (16/9), tơ̆ Hà Nội, Kơdră Anih jang Trung ương MTTQ Việt Nam Đỗ Văn Chiến hlôi sơng iŏk tơgŭm đơ̆ng dôm anih jang, anih mơdro sa, khŭl jang, kơdih tơ̆ lơ̆m păng ‘ngoăih teh đak tơgŭm kon pơlei đei hiong răm yua đơ̆ng ‘mi kial hơbŭt kơsô̆ 3 pơrăm.

VOV4.Bahnar - Lơ̆m jơ năr trung thu, hơioh Đắk Lắk đei dôm tơdrong jang hơdăh vang tơgŭm, lăng găh đe buăl ‘lơ̆p tơ̆ tơring ‘mi kial hơbŭt pơrăm.

VOV4.Bahnar - Giĕng ou ki, tơ̆ dêh char Thái Nguyên, Kơdră chĕp pơgơ̆r Kuô̆k hô̆i Trần Thanh Mẫn hlôi năm ngôi pôk tơmam drăm ăn kon pơlei tơ̆ tơring Nga My, apŭng Phú Bình păng bơ̆ jang hăm kơdră chĕp pơgơ̆r Đảng dêh char Thái Nguyên găh bơ̆ jang chĕp pơgơ̆r, pơrô̆ iung jang tơjră tang găn păng hơmet pơ ‘lơ̆ng đơ̆ng kial hơbŭt kơsô̆ 3 pơm ăn. Ƀlep lơ̆m jơ ‘năr ou, Kơdră chĕp pơgơ̆r Kuôk hô̆i Trần Thanh Mẫn hlôi pôk ăn 30 ti hlak jên đơ̆ng Hơnih bơ̆ jang tơgŭm dŏng Trung ương ăn dêh char Thái Nguyên vă tơgŭm hơmet pơ ‘lơ̆ng đơ̆ng kial hơbŭt kơsô̆ 3 pơrăm tơ̆ dêh char ou.

VOV4.Bahnar – Pơgê brei (12/09), ƀlep ƀât sơng tết Trung thu 2024, Phŏ Kơdră teh đak Võ Thị Ánh Xuân năm ngôi, hơpăh tơmam ăn đe hơioh jĭ jăn oei hơmet tơ̆ Hnam pơgang Pham-Truyên pham Trung ương.