Kŭm hăm hơtŏk hrĕnh tơdrong ming man, jang dôm tơdrong kăl vă 2 hnam trưng jăh đei tơmât yoa kŭm tŏk bŏk đei Anih vei lăng pơtho pơhrăm dêh char Lâm Đồng hơmet hrơ̆ch ‘lơ̆ng ‘năi. Rim hnam trưng đei pơtruh ăn 57 ‘nu thây kô păng 21 ‘nu bơngai jang. Hnam trưng Thuận An tơchĕng adrol gô đei 870 ‘nu hŏk tro, hnam trưng Quảng Trực 900 ‘nu hŏk tro; lơ̆m noh đei hloi hŏk tro hŏk oei xa kơtă tơ̆ hnam trưng păng hŏk sŏng xa ‘năr dơ̆ng.

Tơchĕng adrol đơ̆ng ‘năr 20/8 đe hŏk tro truh akŏm vă mơ̆ng nơ̆r tơroi găh tơdrong hơgăt, pơm juăt hăm tơdrong arih xa, hŏk pơhrăm tơ̆ hnam trưng păng dôm tơmam drăm, lăm hŏk. Chih hơdăh ‘nâu jĭ tơdrong jang chinh trĭ gĭt kăl, Anih vei lăng kon pơlei dêh char Lâm Đồng oei hơlen năng tơ̆ rim hnam trưng, pơgơ̆r bơ̆ jang kiơ̆ trong “rơđăh bơngai, rơđăh tơdrong jang, rơđăh khei ‘năr, rơđăh hơnăp jang”, adrin jang đang 2 hnam trưng trŏ khei ‘năr hơgăt, pơm ‘lơ̆ng sơđơ̆ng, pơyoa ‘lơ̆ng hlŏh ăn tơdrong hŏk pơhrăm, oei xa kơ đe hŏk tro tơ̆ tơring sơlam.