Kơtơ̆ng đơ̆ng kon pơlei tơroi, Khul ƀô̆ đô̆i iung jang dăr lăng, pơih să bro tơchă păng ƀôh mĭnh kơl ƀô̆ đô̆i lôch dŏng teh đak atŭm hăm rim tơmam drăm. Kơting ƀô̆ đô̆i lôch dŏng teh đak ou đei kơting kơl, kơting tơ-‘ngam, kơting tơkoong, kơting ti păng 8 tŏ sơnĕnh. Rim tơmam drăm đei tơchă ƀôh đei koăl tăng, che yayu, kơdŭng tăh tơmam drăm, tơlei rơngieo, pơgang chho sơnĕnh ... Khul K51 hlôi iŏk kơcheh kơting vă pơvih pơvăn ăn khăm hơlen ADN, hơlen băt hơnăn ƀô̆ đô̆i lôch dŏng teh đak kiơ̆ tơdrong tơchơ̆t. Kơting ƀô̆ đô̆i lôch dŏng teh đak ou dang ei đei vei lăng, soi yôk tơ̆ Pơsat ƀô̆ đô̆i lôch dŏng teh đak tơring Krông Bông, dêh char Đắk Lắk, gô chang pơgơ̆r pơdong groong ƀŭ. ‘Nou jĭ kơting ƀô̆ đô̆i lôch dŏng teh đak mă 13 đei Khul K51 kôch akŏm lơm dêh char Đắk Lắk đơ̆ng blŭng khei 6 truh dang ei, lơ̆m ou jĭ kơting mă 5 đei tơchă ƀôh tơ̆ bro apŭng Krông Bông so.