Khul kơdră teh đak athei krao hơnăn đơ̆ng rŏng kơ tơmât hơdai ‘nŏh: “Tơdrong jang tơm kơ teh đak atŏk tơiung mŭk drăm, tơpôl, tơring tơrang, hơdrĕch kon kông păng tơring groi kông đơ̆ng 2026-2035”. Tơdrong jang đei tơmât hơdai đơ̆ng 4 Tơdrong jang tơm dang ei găh jŏh ayŏ kơ dŏ xoang; pơtho pơhrăm; tơring tơrang ‘nao, tơjur tơnuh hin, jang tŏk tơ̆ tơring kon kông păng groi kông; vei lăng jơhngâm pran, kơsô̆ măt bơngai păng jang tŏk; hăm 7 grŭp jang tơm. Akŏm đĭ đăng jên jang đơ̆ng 2026-2030 pơhlom hlŏh 808.000 ti hlak jên, lơ̆m noh jên trung ương đei 345 rơbâu ti.

Tơchĕng adrol, Anih tơm vei lăng choh jang xa păng cham char pơm anih pơgơ̆r jang atŭm, tơgŭm ăn Anih pơgơ̆r jang kơ Trung ương; Anih tơm vei lăng jên hu đei hơnăp jang chih akŏm, tơlĕch jên jang; dôm Anih tơm tơlĕch tơdrong hơgăt, hơlen năng tơdrong tơmât jên jang; tơring pơgơ̆r jang kiơ̆ trong “Tơring tơchơ̆t, tơring bơ̆ jang, tơring chĭu pŭ”, chă rơih kơdih tơdrong jang, pơ ‘nhŏ jên jang hơdrol, chĭu pŭ găh tơdrong ‘lơ̆ng, khei ‘năr bơ̆ jang.