'Nou jĭ dôm bơngai hlôi lôch tang lơ̆m khei năr tơblah Phalăng sơ̆. Lơ̆m tơdrong kŭp jom, kơdră dêh char Khánh Hòa, khul linh, jơnŭm pơgơ̆r tơring păng 'nhŏng oh linh lôch tang plang pơkao, soh hlôt nhang, ƀlŏk tơbăt kơ dôm bơngai hlôi lôch tang ăn tơdrong rơngei hiôk hian kơ teh đak. Ƀok Nguyễn Long Biên, Phŏ Kơdră Hơnih jang vei lăng kon pơlei dêh char Khánh Hoà, Phŏ Kơdră Jơnŭm pơgơ̆r  “Tơdrong jang 500 măng năr hơtŏk kơtang chơ chă, sir kôch păng sơkơ̆t hơnăn măt ăn kơting linh lôch tang ăn teh đak” pơre nơ̆r lơ̆m tơdrong pơdong grong ƀŭ.

Tơdrong 'nhăk linh lôch tang chôt vih hăm pơlei pơla kơdih jing “sơnong jang đei đơ̆ng plei nuih”, tơƀôh sơnong jang păng tơdrong pôk bơnê kăp gĭt đơ̆ng kon sou hrei ou hăm dôm bơngai hlôi plang sơnăm mơlôh, sĕch pham ăn teh đak. Đơ̆ng năr pơtơm Tơdrong jang 500 măng năr, dêh char Khánh Hòa hlôi chơ chă, akŏm đei 14 kơting linh lôch tang ăn teh đak.