Kuô̆k hô̆i jăl 14 pơma đam tơ̆ hnam akŏm gah tơdrong tơmơ̆t hơdoi 4 tơdrong tơchơ̆t jang kơ teh đak đơ̆ng sơnăm 2026–2035
Thứ năm, 10:49, 20/08/2026
Lan chih tơblơ̆
Lan chih tơblơ̆
VOV.Bahnar – 'Năr ou (20/8), pơtoi kơ 'Măng hop akŏm ưh kiơ̆ pơkăp mă mônh, Kuô̆k hô̆i jăl 14 pơma đam tơ̆ hnam akŏm gah tơdrong tơmơ̆t hơdoi 4 tơdrong tơchơ̆t jang kơ teh đak đơ̆ng sơnăm 2026–2035.
Rim bơngai tang măt drơ̆ng nơ̆r hăm tơchơ̆t tơmơ̆t hơdoi vă tang găn hơlơ̆k hơle, iŏk yua tơnăp jơhngơ̆m pran păng tơplih kơtang kiơ̆ pơkăp ăn tơring. Mă lei, tơdrong tơmơ̆t hơdoi ưh đei pơgia la, ưh đei pơm tơplih dôm tơchơ̆t păng bơngai pơyua.
Hăm kơsô̆ jên pơkăp hơdrol noh hloh 808.000 tih hlj, bơngai tang măt Nguyễn Văn Huy (Khul Hưng Yên) athei pơm hơdah tơdrong gơh asong jên mong kơ tơring vă tang găn tơdrong hơtŏk ưh hơtŏ pơyua ăn dôm tơring. Oei bơngai tang măt Siu Hương (khul Gia Lai) pơtruh nơ̆r chih hơmet tơdrong pơhrăm, hơtŏk tơdrong gơh chih akŏm pơm jang, vei lăng jên hu păng tơplih kơsô̆ ăn kang ƀô̆ jang tơ̆ xah kơtă pơm jang tơdrong tơlĕch.
Viết bình luận