VOV. Bahnar - Lơ̆m khei ‘năr teh đak tŏk bok atŏk kơtang hơmet ming trong bơ̆jang kơ Kuô̆k hô̆i, pơm kơtoei khul chĕp pơgơ̆r păng tơ iung pơjing trong bơ̆jang pơvih pơvăn, bơ̆jang pơvih pơvăn kon pơlei dơ̆ng tơ̆ hơnăp tơdrong pơkoel tơplih ‘nao kơtang. Kơ yuơ lơ loh, bơ̆jang pơvih pơvăn kon pơlei kăl jing hơnih băt hrôih jơhngơ̆m đon kon pơlei, jĭ hơnih tơbăt hơdrol trong bơ̆jang, jĭ ‘long pơtŏ bơ̆jang ‘lơ̆ng chĕp pơgơ̆r teh đak. ‘Nou jĭ nơ̆r tơbăt đei Kơdră chĕp pơgơ̆r Kuô̆k hô̆i Trần Thanh Mẫn pơma tơlĕch tơ̆ ‘Măng hop akom mă 3 kơ Hơnih bơ̆ jang chĕp pơgơ̆r Kuô̆k hô̆i.

VOV.Bahnar - Đơ̆ng rŏng vă jê̆ 8 khei iŏk jang, 2 Hnam trưng hŏk teh đak rong Jăl 1 păng Jăl 2 tơ̆ 2 xăh sơlam Quảng Trực, Thuận An kơdêh char Lâm Đồng tŏk bŏk hăt hot bơ̆jang pơkeh păng hơdrin jang đang hơdrol kơ ‘năr 15/8/2026. 

VOV.Bahnar – Kơsơ̆ năr 25/6, pơgơ̆r Hop akŏm jơ̆p teh đak gah vei lăng đe hơ-ioh, Ƀĭ thư trung ương Đảng, Phŏ Thủ tướng Phạm Thị Thanh Trà, Kơdră Hơnih jang kơ teh đak gah đe hơ-ioh ră hơdah: Vei lăng đe hơ-ioh athei jing sơnong jang tơm dơnơm hloh păng sơnong jang kơ bơngai chĕp kơ̆l.

VOV.Bahnar – Phŏ Thủ tướng Phạm Thị Thanh Trà akhan athei akŏm tôm jơhngơ̆m vă pơm jang đei jơnei Tơlĕch jang 500 măng năr, hơtŏk kơtang tơdrong chơ chă kôch akŏm kơting linh lôch tang lơ̆m jơ̆p teh đak.

VOV.Bahnar - ‘Năr 23/6, Anih vei lăng kon pơlei dêh char Khánh Hòa pơgơ̆r hop akŏm hơlen lăng pơtôch yak blŭng tơlĕch jang Tơdrong jang 500 măng năr tơchă, sir iŏk akŏm păng hơlen lăng hơdăh hơnăn kơting lĭnh lôch tang ăn teh đak hăm trong pơm hơlen lăng ADN, hơdai hăm pơma dơnuh chă trong jang hơmet pơ ‘lơ̆ng dôm tơdrong mơmat tat, tơhlăk tơhlĭn vă bơ̆jang kiơ̆ đei yua dôm hơnăp jang đei pơjao.

VOV.Bahnar – Đơ̆ng rŏng 1 giĕng tơlĕch, Anih pơgơ̆r Tơdrong jang ‘mêm bơnê kơ đe linh lôch tang ăn teh đak sơnăm 2026 hăm hơnăn “Krao hơnăn dôm sơnglŏng kơ teh đak” hlôi iŏk đei 266.863.414 hlak jên đơ̆ng dôm khul grŭp, rim bơngai đei jơhngâm đon ‘lơ̆ng vang tơgŭm kiơ̆ tài khoản 2707 – Anih mong jên tĕch mơdro hơdai kơ khul linh (MB).

VOV.Bahnar - Dêh char Quảng Ngãi tŏk bŏk broh hơmet, hơmet ming pơlei, koeng kơphpô̆ vă pơm kơ toei khul chĕp pơgơ̆r, pơm hơtŏk bơ̆ jang ‘lơ̆ng lơ̆m vei lăng tơ̆ tơring. Mă lei, tơ̆ rim tơring groi kông, tơdrong proh hơmet đei hơlen tôch kơ brĕ vă mĭnh păh vă trŏ lăp hăm tơdrong ‘meh vă tơplih ‘nao, minh păh trŏ lăp hăm tơdrong yan ou păng tơdrong hơrih sa kơ kon pơlei.

VOV.Bahnar – Đăk Lăk jĭ minh lơ̆m dôm tơring lơ̆m jơ̆p teh đak pơtơm jang hrôih kiơ̆ Tơchơ̆t kơsô̆ 72-NQ/TW đơ̆ng Hơnih tơm Chinh trĭ gah minh ƀar trong pơm jang vă hơtŏk vei lăng păng pơ-'lơ̆ng jơhngơ̆m jăn kon pơlei.

VOV.Bahnar - Kŭm hăm tơdrong jang 90 măng năr hơtŏk hrĕnh tơdrong ming man 7 tŏ hnam Trưng teh đak rong jăl mônh păng jăl ƀar tơ̆ tơring sơlam, dêh char Gia Lai oei hăt hơmet pơ ‘lơ̆ng bơngai jang, chă rơih hŏk tro păng pơgơ̆r Khul jang vei lăng vă rim hnam trưng ‘nao gơ̆h jing anih gơnang yoa sơđơ̆ng ‘lơ̆ng, tơgŭm ăn đe ŏh hŏk tro tơnuh tơ̆ tơring sơlam rong đei tơdrong hơpơi ‘mĕh hŏk pơhrăm jing bơngai rơgei. 

VOV.Bahnar - Dêh char Quảng Ngãi ‘nao pơjing trong vă jang iung jang sir tơchă, năm tơchă păng kôch akom kơting ƀô̆ đô̆i lôch dŏng teh đak tơ̆ bro trong gre Trường Chinh găh phương Đắk Cấm păng phương Kon Tum.