VOV.Bahnar – Anih chĕp kơ̆l Đảng, Jơnŭm pơgơ̆r kon pơlei, Anih vei lăng kon pơlei păng Anih MTTQ Việt Nam xăh Nghĩa Giang (dêh char Quảng Ngãi) pơm lêh tih pơdong păng ƀŭ hơmet 5 kơ̆l linh lôch tang ăn teh đak đei sir chă, kôch iŏk tơ̆ tơƀôt Gò Tràm (plei An Sơn).

VOV.Bahnar - Sơnăm hŏk 2026-2027, dêh char Đăk Lăk tơlĕch lơ tơchơ̆t tơgŭm ăn đe hŏk tro, akŏm lơ̆m dôm tơring hơtaih yaih, tơring kon pơlei kon kông păng tơring sơlam.

VOV.Bahnar - Thượng tướng Phùng Sĩ Tấn, Phŏ Kơdră vei lăng Khul linh kon pơlei Việt Nam, Kơdră khul pơm jang kơ Hơnih tơm Vei lăng tơdrong jang dăr hơlen hơmet ăn sơnăm hŏk 'nao 2026-2027 tơ̆ Hnam trưng hŏk teh đak rong 'me dôm jăl hŏk tơ̆ xah Ea Rốk, dêh char Đăk Lăk.

VOV.Bahnar - Dôm hnam trương teh đak rong ‘me ‘nao tŏk bŏk keh đang tơ̆ rim tơring sơlam teh đak găh Pơmơ̆t dêh char Quảng Ngãi (dêh char Kon Tum so), hơnhăk truh tơdrong chơt hơ iă ăn hŏk tro, mĕ ƀă hok tro păng ƀok thây kô pơtho. Sơnăm hŏk ‘nao ou, hŏk tro tơring sơlam teh đak đei hŏk pơhrăm lơ̆m hnam trương ‘nao, tơdrong hŏk pơhrăm, oei sa ‘lơ̆ng hloh dơ̆ng, đei jing hơnih gơnang vă kon pơlei sơđơ̆ng jơhngơ̆m jang sa, vei lăng tơring sơlam kơ Teh đak.

VOV.Bahnar - Tơ̆ rim ‘măng tơƀơ̆p bơngai tăh hla, găh tơdrong trong bơ̆jang, tơgŭm djru vă hơmet pơ ‘lơ̆ng kon jên tơmơ̆t jang, pơjing rơvơn ăn hơnih mơdro sa tơmơ̆t jên jang, pơm tơlĕch, tĕch mơdro ling lang sơng iŏk đei tơdrong lăng ba. Đơ̆ng dôm nơ̆r chă apĭnh athei đơ̆ng bơngai tăh hla păng tơdrong atŏk tơ iung yan ou, Kuô̆k hô̆i hơnơ̆ng pơm pơkeh tơdrong tơchơ̆t, hơmet pơ ‘lơ̆ng dôm tơdrong tơhlăk tơhlĭn găh tơmơ̆t jên jang, groi teh, trong nơnăm; Khul kơdră chĕp pơgơ̆r Teh đak păng khul kơdră chĕp pơgơ̆r rim tơring hlôi tơlĕch jang kiơ̆ ‘lơ̆ng hơ iă hơnhăk dôm tơdrong jang mơ̆t lơ̆m jang mŭk drăm. Hăm Tây Nguyên - Tơring tơmăn Nam Trung Bộ, lơ̆m khei ‘năr rim tơring tơlĕch ăn tŏk mŭk drăm ƀar kơsô̆, nơ̆r athei ou sa roi gĭt kăl hloh dơ̆ng.

VOV.Bahnar - Oei pă dôm năr dơ̆ng, hŏk tro Đắk Lắk yak mât lơ̆m sơnăm hŏk 2026-2027. Đơ̆ng tơring đei ƀôh, hiôk hian truh tơring hơtăih yăih, tơring kon kông, dôm tơring păng hnam hŏk oei jang pơkeh rim tơdrong mă hơtuch, đơ̆ng lăm hŏk, tơmam drăm, hla ar hŏk truh khul thây kô păng tơdrong tơgŭm ăn hŏk tro. Sơnăm hŏk ‘nâu đei lơ tơdrong tơplih găh hnam hŏk, tơmât yoa hnam trưng teh đak rong jăl mônh păng jăl ƀar hăm nơ̆r athei pơm hơtŏk tơdrong ‘lơ̆ng mưh pơtho pơhrăm tơ̆ tơring pơmat tat. Anih pơtho pơhrăm tơ̆ jơ̆p tơring tơ̆ Đắk Lắk oei kơchăng jang kiơ̆, pơjing tơdrong ‘lơ̆ng vă hŏk tro yak mât lơ̆m sơnăm hŏk ‘nao sơđơ̆ng, ‘lơ̆ng hơiă.

VOV. Bahnar - Tơjê̆ kon pơlei, mơ̆ng kon pơlei, gơnang lơ̆m dôm bơngai đei kon pơlei lui yom vă pơrô̆ hơvơn kon pơlei ‘noh trong mă Kŏng ang tơring Quảng Phú, dêh char Đắk Lắk tŏk bŏk tơlĕch jang kiơ̆ lơ̆m bơ̆ jang vei lăng sơđơ̆ng dơ̆ng kơjăp tơ̆ tơring. Hăm dôm tơdrong jang hơdăh, lơ tơdrong đei ƀôh dơ̆ng lơ̆m kon pơlei pơla, lơ̆m ou găh tơdrong hơdrĕch hơdrung, tơdrong lui khop, đei ƀôh păng sek tơlang tơtom kơtă đơ̆ng pơlei hloi. ‘Nou jĭ trong jang mă kang ƀô̆ kŏng ang oei tơ̆ tơring hŏk pơhrăm păng jang kiơ̆ jơhngơ̆m đon ‘lơ̆ng kơ Ƀok Hô lơ̆m dôm tơdrong jang rim năr.

VOV.Bahnar – Đơ̆ng sơnăm hŏk 'nao 2026–2027, hŏk tro tơ̆ 4 hnam trưng THPT chuyên lơ̆m dêh char Lâm Đồng gô pơtơm đei xa tơgŭm hŏk oei hơdoi păng jên hơrih xa.

VOV.Bahnar - Tơ̆ Lâm Đồng, lo tơdrong tơhlăk tơhlĭn găh teh, trong pơprŏ jang, teh choh jang sa mir đak lar păng rim tơdrong vă jang đunh sơnăm tŏk bŏk pơm kơnê̆ truh tơdrong đei iŏk yoa kơ kon pơlei, găn ga lơ̆m tơdrong iŏk yoa choh jang sa groi teh. Lơ̆m khei ‘năr Kuô̆k hô̆i jăl XVI lăng hơlen hơmet ming Khôi luơ̆t Groi teh sơnăm 2024 tơ̆ ‘Măng hop akŏm hăt hot mă blŭng, bơngai tăh hla păng khul kơdră dêh char Lâm Đồng hơmŏ dôm tơdrong tơhlăk tơhlĭn ou to gô đei hơmet pơ ‘lơ̆ng, pơm ‘lơ̆ng hơ iă ăn atŏk tơ iung mŭk drăm-tơpôl.

VOV.Bahnar - Hlŏh 50 sơnăm đơ̆ng rŏng dôm 'măng tơblăh tih, kơting ƀô̆ đô̆i lôch tang ăn teh đak oei đei hơnơ̆ng tơ̆ hơla tĕh găh tơring Đăk Pék, dêh char Quảng Ngãi (apŭng Đăk Glei, dêh char Kon Tum so). Tơdrong tơroi đei kon pơlei, linh so păng bơngai vang năm tơblăh sơ̆ chĕp vei, tŏk bŏk jing tơdrong gĭt kăl vă khŭl jang năm chă, sir akŏm kơting linh lôch tang ăn teh đak.