BAHNAR.VOV.VN - "Grŭp chă roi tơbăt lơ̆m tơpôl” yoa dôm khul drŏ kăn xăh tơ̆ Hà Giang pơjing hăm tơdrong jang ‘nŏh jĭ chă roi tơbăt, krao hơvơn kon pơlei tơplih ming “đon tơchĕng, trong bơ̆ jang”, hŭt lê̆ đon tơchĕng ưh lăp găh drŏ kăn hăm drŏ nglo lơ̆m unh hnam, lơ̆m tơpôl; hơtŏk tơdrong pơm hơtŏ băl păng sek tơlang dôm tơdrong kăl hăm đe drŏ kăn păng đe hơioh. Tơdrong pơjing "Grŭp chă roi tơbăt lơ̆m tơpôl" tơ̆ dêh char Hà Giang lơ̆m 2 sơnăm âu ki jĭ 1 hơyak tŏk gĭt kăl vă pơm hơtŏ băl kơplăh drŏ kăn hăm drŏ nglo păng pơm hơtŏk anih dơ̆ng ăn đe drŏ kăn păng hơioh, mă loi jĭ tơ̆ tơring groi kông, tơring hơtăih yăih...

BAHNAR.VOV.VN – Tơdrong tơlĕch jang kiơ̆ dôm Tơchơ̆t jang 8 tơ̆ dêh char Sóc Trăng hlôi tơgop hơtŏk tơdrong hơrih, mă kăl noh pơtruh kơtơ̆ng ang kăp gĭt an đe drăkăn păng hơ-ioh. Atŭm hăm noh hơtŏk dôm tơdrong jang tơgŭm đe drăkăn, đe hơ-ioh lơ̆m tơring kon kông. Tơ̆ pŭng Mỹ Xuyên, hăm kơsô̆ măt bơngai hloh 160.000 ‘nu, kon pơlei Khmer đei hloh 33%, khei năr âu ki, Jơnŭm jang Drăkăn apŭng Mỹ Xuyên hlôi hăt hot pơm kiơ̆ Tơchơ̆t jang 8. Lơ pơmai oh tơ̆ Mỹ Xuyên hrei âu hlôi dôm tơdrong kăp gĭt iŏk yua tơdrong đei jơnei đơ̆ng Tơchơ̆t jang.

BAHNAR.VOV.VN - Ƀlep tơbăt 94 sơnăm Năr pơjing Khul dro kăn Việt Nam (20/10), Công đoàn Hơnih jang kmăi ŭnh hơyuh Dak Lăk pơgơ̆r năm ngôi păng pôk tơmam drăm ăn kơ Yă Mĕ Việt Nam nuih mơng Thái Thị Tài, dang ei hơrih sa tơ̆ tơring Hòa Thắng, pơlei tơm Buôn Ma Thuột.

BAHNAR.VOV.VN - Lăng truh tơbăt 120 sơnăm năr pơjing dêh char Dak Lăk, atŭm hăm tơdrong jang mă Hơnih tơm Kŏng ang tŏk bŏk tơlĕch jang, Hơnih bơ̆ jang Mặt trận tổ quốc Việt Nam dêh char Dak Lăk hlôi chă pơrô̆ hơvơn ming man 300 pơbŭng hnam tơgoăt tơgoăl tơgum djru ăn rim ŭnh hnam dơnuh, ŭnh hnam tơnap tap găh hnam oei lơ̆m dêh char.

BAHNAR.VOV.VN - Đơ̆ng rŏng 10 sơnăm jang kiơ̆ Nơ̆r athei jang kiơ̆ kơsô̆ 40-CT/TW kơ Ban Bí thư găh atŏk kơtang tơdrong chĕp pơgơ̆r đơ̆ng Đảng hăm ăn tŏk iŏk kon jên tơgŭm djru, akŏp ăn tŏk iŏk kon jên ou tơ̆ dêh char Gia Lai jô̆ truh khei 6/2024 hlôi đei 7.200 ti hlak jên. Đơ̆ng noh, hloh 156.500 ŭnh hnam dơnuh, vă jê̆ dơnuh păng dôm bơngai đei iŏk yua ăn teh đak hlôi đei tŏk iŏk vă tơmơ̆t jang sa, hơrih sa đei tơplih ‘lơ̆ng hơ iă. ‘Ngoăih kơ ‘noh, kon jên tơgŭm djru ou jei jing kon jên kăl vă Gia Lai jang kiơ̆ rim tơdrong vă jang kăl tơ̆ tơring choh jang sa.

VOV4.Bahnar - Ƀât mă kơmăy kơmŏk roi đunh roi đei yoa gĭt kăl lơ̆m tơdrong arih xa, mŭk drăm, tơpôl, mĭnh lăp pơtho tin hŏk ưh đei iŏk jên đei pơih tơ̆ plt Pleiku, dêh char Gia Lai, tŏk bŏk hơnhăk ba lơ tơdrong ‘lơ̆ng vă kon pơlei gơ̆h truh hăm kơmăy sô̆. ‘Nŏh jĭ Lăm pơtho "Tin hŏk văn phòng ưh đei nôp jên" yoa Anih pơtho pơhrăm ăn Tơpôl phường Chi Lăng, plt Pleiku jang hơdoi hăm Hnam trưng THPT Chi Lăng pơgơ̆r.

VOV4.Bahnar - Cao Bằng jĭ dêh char tơring groi kông đei trong sơlam kơjung, teh kông krang krê hơmơt hăm tơdrong mơ̆t lĕch glăi tơ̆ teh đak đei ƀôh mơmat tat. Hơdai hăm ‘noh tơ̆ 1,2 tơring tơdrong hơrih sa kơ kon pơlei oei mơmat tat, tơdrong hlôh vao tam mă lơ... ‘nâu jĭ dôm tơdrong hiôk ăn kơ dôm kơloăi pơm glăi tĕch mơdro bơngai bơ̆jang. Tơlĕch jang Tơdrong jang 8, Khŭl vei lăng drŏ kăn dêh char Cao Bằng hlôi lăng kăl pơgơ̆r dôm tơdrong jang tơroi tơbăt tang găn tĕch mơdro bơngai.

VOV4.Bahnar - Ou ki, Kơdră jang lơ̆m Hơnih tơm Chinh trĭ, Bí thư Trung ương Đảng, Kơdră chĕp pơgơ̆r Ban nội chính Trung ương Phan Đình Trạc atŭm hăm Khul kơdră tang măt Kuô̆k hô̆i dêh char Lâm Đồng hlôi tơƀơ̆p pơma dơnuh hăm bơngai tăh hla lơ̆m dêh char. Bơngai tăh hla hlôi pơma tơbăt, tơgop nơ̆r lơ tơdrong kăl, nhen tơdrong tơgar dih băl teh đunh đai ƀar păh kon pơlei hăm rim mir đak lar, hơnih mơdro sa, tơdrong sa jên khei hăm khul bơ̆ jang vei lăng năng tông bri.

VOV4.Bahnar - Apŭng Tu Mrông, dêh char Kon Tum đei hlŏh 58.000 ha bri, yơ̆p bri đei vă jê̆ 68%. 4 sơnăm âu ki, kŭm hăm vei lăng ‘lơ̆ng bri ‘long hlôi đei, đơ̆ng lơ jên jang păng tơdrong vang bơ̆ jang tôch tơnăp đơ̆ng kon pơlei, apŭng Tu Mrông hlôi pơtăm đei hlŏh 2.000 ha ‘long bri păng hlŏh 1,2 triu tơnơm ‘long răh rai. Pơtăm ming dơ̆ng tơ̆ dôm hơgăt teh phui phang, ưh đei tơm ‘long đei apŭng năng jĭ trong jang gĭt kăl vă atŏk tơiung mŭk drăm đơ̆ng bri, pơjing tơdrong jang xa kơjăp ‘lơ̆ng ăn dôm jĭt rơbâu ‘nu bơngai Xơ Đăng, iŏk đei hlŏh 95% kơsô̆ kon pơlei tơ̆ apŭng.

VOV4.Bahnar - Dêh char Kon Tum ‘nao tơchơ̆t klăih song hloh 1.145 tấn phe, vă tơgŭm hloh 15.300 ‘nu hŏk tro sa yua tơdrong tơgŭm kiơ̆ Tơdrong tơchơ̆t đơ̆ng Khŭl kơdră teh đak Hơgăt tơdrong jang tơgŭm hŏk tro păng hnam trưng phô thŏng tơ̆ xăh, pơlei mơmat tat dêh hloh.