Kiơ̆ đe oh hŏk tro 4 hnam trưng THPT chuyên đei hnam oei hơtaih đơ̆ng trưng hŏk đơ̆ng 15km tŏk tơ̆ kơpal gô đei xa tơgŭm gah jên oei xa đơ̆ng dêh char Lâm Đồng. Hơdah noh, hăm hŏk tro hnam trưng chuyên hŏk oei hơdoi tơ̆ trưng đei asong ăn hơnih oei, jên unh hơyuh, jên đak; atŭm hăm noh đei tơgŭm jên xa 936.000 hlj minh khei.

Mưh hnam trưng tam mă kĕ asong hơnih oei, 'nguaih kơ jên xa, đe oh oei đei tơgŭm atăm 360.000 hlj rim khei jên thuê hnam oei. Tơchơ̆t tơgŭm tơtom đơ̆ng dêh char Lâm Đồng đei iŏk yua đơ̆ng sơnăm hŏk 'nao 2026- 2027 ưh hơdrô̆ tơjur ƀiơ̆ tơdrong hrat gah jên hu hăm unh hnam, mă oei hơtŏk jơhngơ̆m ăn đe hŏk tro hơtaih đơ̆ng hnam sơđơ̆ng hŏk pơhrăm tơ̆ 4 hnam trưng chuyên kơ dêh char đei: THPT chuyên Bảo Lộc, THPT chuyên Thăng Long, THPT chuyên Trần Hưng Đạo păng THPT chuyên Nguyễn Chí Thanh.