VOV.Bahnar - Tơ̆ Lâm Đồng, lo tơdrong tơhlăk tơhlĭn găh teh, trong pơprŏ jang, teh choh jang sa mir đak lar păng rim tơdrong vă jang đunh sơnăm tŏk bŏk pơm kơnê̆ truh tơdrong đei iŏk yoa kơ kon pơlei, găn ga lơ̆m tơdrong iŏk yoa choh jang sa groi teh. Lơ̆m khei ‘năr Kuô̆k hô̆i jăl XVI lăng hơlen hơmet ming Khôi luơ̆t Groi teh sơnăm 2024 tơ̆ ‘Măng hop akŏm hăt hot mă blŭng, bơngai tăh hla păng khul kơdră dêh char Lâm Đồng hơmŏ dôm tơdrong tơhlăk tơhlĭn ou to gô đei hơmet pơ ‘lơ̆ng, pơm ‘lơ̆ng hơ iă ăn atŏk tơ iung mŭk drăm-tơpôl.

VOV.Bahnar - Hlŏh 50 sơnăm đơ̆ng rŏng dôm 'măng tơblăh tih, kơting ƀô̆ đô̆i lôch tang ăn teh đak oei đei hơnơ̆ng tơ̆ hơla tĕh găh tơring Đăk Pék, dêh char Quảng Ngãi (apŭng Đăk Glei, dêh char Kon Tum so). Tơdrong tơroi đei kon pơlei, linh so păng bơngai vang năm tơblăh sơ̆ chĕp vei, tŏk bŏk jing tơdrong gĭt kăl vă khŭl jang năm chă, sir akŏm kơting linh lôch tang ăn teh đak.

VOV.Bahnar - Tơ̆ xăh Diên Khánh, dêh char Khánh Hòa, khul jang kơpal pơgơ̆r plang pơyơ̆r pơkao, plang soh nhang ƀlŏk hơdơ̆r păng pơjao 13 kơting linh lôch tang ăn teh đak đei chă ƀôh tơ̆ anih hnam pơnă so lơ̆m Anih gru groa Diên Khánh.

VOV.Bahnar - Khŭl kơdră chĕp kơ̆l pơgơ̆r Anih jang Đảng dêh char Đắk Lắk drơ̆ng mĭnh nơ̆r trong jang tơlĕch ăn Tơdrong tơchơ̆t tơgŭm jên răt the ƀao hiêm pơgang ăn bơngai kră tam mă đei the. Tơchĕng hơdrol, hloh  83.700 ‘nu đơ̆ng 60 truh hơla kơ 75 sơnăm gơh đei tơgŭm, hăm jên hloh 114 ti hlak jên rim sơnăm đơ̆ng jên jang dêh char.

VOV.Bahnar - Hnam Kmăi Nhiệt điện Vĩnh Tân 4 ‘nao iung jang hơdoi pơgơ̆r iung jang khăm jĭ, ƀok pơgang, pơjao ăn kon jên hŏk pơhrăm păng pôk tơmam drăm ăn kon pơlei tơring Vĩnh Hảo, dêh char Lâm Đồng.

VOV.Bahnar - Pơma dơnuh tơ̆ Hơnih hop akŏm tơm găh tơdrong hơgrop jang 4 tơdrong jang tơm teh đak atŏk tơ iung oei sa joh ayŏ-tơpôl, tơring choh jang sa, kon kông păng tơring groi kông  jăl 2026 - 2035, rim bơngai tang măt Kuô̆k hô̆i akhan, hơgrop jang ‘noh jing trong kơnăl vă pơm dă ƀiơ̆ tơsul tơsăl, pơm hơtŏk jơnei iŏk yoa khul jang; mă lei kăl tơchơ̆t mă hơdăh trong jang klăh asong kon jên tơmơ̆t jang, sơđơ̆ng khul jang ăn rim tơring tơnap tap. Tơdrong tơm hloh ‘noh pơm ăn tơdrong hơrih sa kơ kon pơlei sơđơ̆ng dơ̆ng kơjăp.

VOV.Bahnar - Kơ sơ̆ 'năr 23/8, Anih tơm pơ gơ̆r khŭl linh pơlei tơm Hồ Chí Minh roi tơbăt găh tơdrong jang tơchă, sir akŏm kơ ting lĭnh lôch tang ăn teh đak tơ̆ Cham ngôi pơhiơ̆ Lê Thị Riêng (phường Hòa Hưng, găh Quận 10 so).

VOV.Bahnar - Hơmŏ ăn sơnăm hŏk 2026 - 2027, hơnih jang Pơtho Pơhrăm dêh char Lâm Đồng tŏk bŏk oei keh đang lăm hŏk, tơmam drăm pơtho pơhrăm, hla bơ-ar hŏk păng bơngai pơtho, mă kăl noh tơ̆ dôm tơring tơnap tap, vă vei sơđơ̆ng 'lơ̆ng ăn tơdrong pơtho pơhrăm đơ̆ng blŭng sơnăm hŏk 'nao.

VOV.Bahnar – Năr 20/8, tơ̆ Pơsat tơbăt kơ linh lôch tang Ninh Thuận, xah Xuân Hải, dêh char Khánh Hòa pơtơm Pơdong grong ƀŭ 8 kơ̆l kơting linh lôch tang 'nao đei sir akŏm tơ̆ dôm xah, phương Phước Hữu, Phan Rang păng Đông Hải.

VOV.Bahnar – 'Năr ou (20/8), pơtoi kơ 'Măng hop akŏm ưh kiơ̆ pơkăp mă mônh, Kuô̆k hô̆i jăl 14 pơma đam tơ̆ hnam akŏm gah tơdrong tơmơ̆t hơdoi 4 tơdrong tơchơ̆t jang kơ teh đak đơ̆ng sơnăm 2026–2035.