VOV.Bahnar - Xăh Hòa Thịnh, dêh char Đắk Lắk ‘nao tơlĕch tơdrong jang man hnam veh ver kơ đak lơ̆p ăn tơpôl mă blŭng tơ̆ plei Phú Hữu, mĭnh lơ̆m dôm tơring chĭu pŭ tôch dêh lơ̆m ‘măng ‘mi tih đak lip ƀât hơtuch sơnăm 2025.

VOV.Bahnar - Tơ̆ Hop akom mă 3, Hơnih bơ̆ jang chĕp pơgơ̆r Kuô̆k hô̆i jăl XVI hlôi lăng hơlen dôm tơdrong jang kăl đei ƀơm truh bơ̆jang pơjing khôi luơ̆t, dăr lăng păng tơdrong jang pơvih pơvăn. Lơ̆m ou, tơdrong pơm hơtok ‘lơ̆ng bơ̆ jang pơvih pơvăn, tơtom băt hơdăh tơdrong hơpơi ‘meh vă đơ̆ng kon pơlei, xek tơlantg jơnei rim nơ̆r athei đơ̆ng bơngai tăh hla đei lăng jĭ tơdrong jang kăl hloh, tơgop pơm hơtŏk tơdrong tơgoăt dih băl ƀar păh Kuô̆k hô̆i hăm bơngai tăh hla păng Kon pơlei.

VOV.Bahnar – Yak truh tơbăt 80 sơnăm Năr Linh jĭ rơka – Linh lôch tang ăn teh đak (27/7/1947 - 27/7/2027), dêh char Lâm Đồng tŏk bŏk oei hăt hot pơtơm “Tơdrong jang 500 măng năr hơtŏk kơtang tơdrong chơ chă, sir akŏm păng sơkơ̆t hơdah hơnăn măt kơting linh lôch tang”, hăm pơkăp keh đang tơdrong iŏk kơcheh kơting, tơmơ̆t lơ̆m kơmăi kơsô̆ păng pơjao kơcheh kơting linh lôch tang hơdrol kơ năr 15/11/2026.

VOV.Bahnar – Pơgê 'năr brei (11/6), tơ̆ Hà Nội, Trung ương Jơnŭm jang 'Long pơglang brê Việt Nam pơgơ̆r Lêh pơtôch Khei 'Mêm bơnat sơnăm 2026 hăm hơnăn “80 sơnăm – Pơm jang 'mêm bơnat yuơ kon pơlei pơla”.

VOV.Bahnar – Hơnih jang vei lăng kon pơlei dêh char Đăk Lăk 'nao pơtruh Hla bar kăp gĭt ăn Hô̆i đŏng kon pơlei dêh char, pơtruh nơ̆r gah tơdrong pơdui đunh khei năr iŏk yua tơchơ̆t tơgŭm ăn kang ƀô̆, bơngai jang đơ̆ng rŏng kơ hơgrop hơnih jang hanh chĭnh đơ̆ng 12 khei tŏk truh 24 khei.

VOV.Bahnar - Kŭm hăm hŏk tro lơ̆m teh đak, hloh 35.500 ‘nu hŏk tro kơ dêh char Đắk Lắk yak mơ̆t lơ̆m ‘Măng pơlong lĕch ‘măng khoă hŏk jăl 3 sơnăm 2026.

VOV.Bahnar – Kơsơ̆ năr (8/9), tơ̆ xah Ia Dom, dêh char Gia Lai hơmet lêh pơtơm Tơdrong jang 90 măng năr pơm jang Tơdrong man Hnam trưng Phôh thŏng teh đak rong 'me Jăl kơđeh păng Trŭng hŏk kơ sơ tơ̆ 7 xah sơlam kơ dêh char.

VOV.Bahnar - Hơnơ̆ng sơkơ̆t hơdăh hơnăp jang jĭ hơnih jang tang măt ăn jơhngơ̆m đon, tơdrong hơpơi ‘meh vă đơ̆ng Kon pơlei, Jơnŭm vei lăng kon pơlei rim kâp hlôi đei lơ tơdrong tơplih ‘nao lơ̆m bơ̆ jang dăr lăng, apĭnh jet păng tơƀơ̆p pơma dơnuh hăm bơngai tăh hla lơ̆m  jăl jang ou ki. ‘Nou jĭ tơdrong đei rim bơngai tang măt akŏm hơlen, pơma dơnuh tơ̆ Hop akom Jơnŭm vei lăng kon pơlei lơ̆m teh đak tơlĕch tơdrong jang jăl jang 2026-2031 ou ki.

VOV.Bahnar – Kơsơ̆ năr 1/6, tơ̆ phương Ea Kao, dêh char Đăk Lăk pơm lêh pơtơm man 'nao, ming hơmet 44 tŏ hnam ăn kon hơ-ioh kơ bơngai vang akŏm tơblah mă ƀơm pơgang pơnhŭl huă hŏk tơnap tap gah hnam oei.

VOV.Bahnar - Kiơ̆ tơdrong Tơchơ̆t ‘nao đei Jơnŭm pơgơ̆r kon pơlei dêh char Gia Lai ‘nao tơlĕch ăn, tơ̆ hơnăp kơnh tơring gô tơgŭm hơdrol teh oei, teh choh jang sa ăn ŭnh hnam dơnuh hin, ŭnh hnam vă jê̆ dơnuh hin ‘noh bơngai kon kông; hơdai hăm hơmet ăn teh pơyua ăn dôm tơdrong jang tơpôl trŏ lăp hăm tơdrong joăt oei sa kơ rim tơring.