VOV.Bahnar – Pơgê năr 17/12, Kuân đoan 34 pơgơ̆r pơjao hnam mă blŭng lơ̆m pơkăp “Tơdrong jang Quang Trung” – tơdrong jang pơm hnam, hơmet ming hnam oei tơgŭm ăn kon pơlei ƀơm răm đơ̆ng 'mi kial đak hơbông pơm đei tơ̆ tơring Tŏk bŏk.

VOV.Bahnar - Đơ̆ng rŏng ‘mi kial hơbŭt hơbông ou ki, dêh char Khánh Hòa hrơ̆p mĭnh ‘măng tơlĕch jang “Iung jang Quang Trung” vă tơ iung pơjing, ming hơmet hnam oei ăn rim ŭnh nam hiong răm kơtang.

VOV.Bahnar - Lăp đơ̆ng rŏng hop akoưm tih jăl jang 2025–2030, trong jang kơ “Tơdrong tơchơ̆t kăl yak mơ̆t lơ̆m tơdrong hơrih kơ kon pơlei” hlôi đei Đang ƀô̆ tơring Ia Hiao, dêh char Gia Lai tơlĕch jang kiơ̆ dôm trong hơdăh hloh. Ưh kơ gôchang, ưh kơ hiơ hiơ̆, pơ đĭ khul chinh trĭ iung jang, pơrô̆ kon pơlei plang ăn teh, pơih să dôm trong iĕ hrăt hrot, đak lŏk dơ̆ng sơ̆ ki. Đơ̆ng hnam kang ƀô̆ truh tơ̆ rim ŭnh hnam, jơhngơ̆m đon pơm jŭk yŭk trong hơlou păng lăp đon dih băl lang să kơtang, pơm ăn dôm trong tơlĕch jang lơ̆m tơdrong tơchơ̆t jing tơdrong jang tơpă lơ̆m pơlei pơla, pơjing đei hơyak pran kơtang ‘nao ăn kon pơlei choh jang sa.

VOV.Bahnar -  Giĕng ou ki, Jơnŭm vei lăng kon pơlei rimdêh char Nam Trung bộ- Tây Nguyên jăl jang 2021- 2026 pơgơ̆r blŭng a hop akŏm hơtuch sơnăm 2025 hăm lơ tơdrong kăl. Lơ tơdrong Tơhcơ̆t đei ƀơm truh tơdrong pơm sơđơ̆ng oei sa jang sa kơ tơpôl păng tơdrong hơrih sa kơ kon pơlei đei tơlĕch pơma dơnuh dih băl tơ̆ ‘măng hop akŏm.

VOV.Bahnar - Hăm trong tơlĕch ăn hrôih ba kon pơlei vih hơlơ̆k hơrih sa sơđơ̆ng hơdrol kơ Têt Nguyên đán, Quân đoàn 34 (Hơnih tơm Ƀô̆ đô̆i vei lăng sơlam teh đak) hlôi hrơ̆p mĭnh ‘măng tơlĕch jang ming man 100 pơbŭng hnam ăn rim ŭnh hnam ‘nao hiong hnam oei lơ̆m ‘măng ‘mi kial hơbut hơbông pơrăm kơtang tơ̆ Gia Lai păng Dak Lăk. “Iung jang Quang Trung” ming man hnam oei tơgŭm djru kon pơlei sơkơ̆t hơdăh jơhngơưm đon “Ƀô̆ đô̆i-kon pơlei nhen ka hăm đak” ƀô̆ đô̆i ling lang ƀôh kang bang kơl tơtom mưh kon pơlei vă.

VOV.Bahnar - Giĕng âu ki, dôm dêh char Nam Trung Bộ hrơ̆ch tơlĕch jang man hnam oei kơjăp ‘lơ̆ng ăn dôm unh hnam hiong hnam đơ̆ng ‘mi tih đak lip âu ki. Rơbâu tŏ hnam ‘nao đei man kiơ̆ hnam veh ver kơ ‘mi tih đak lơ̆p, oei xa hiôk sơđơ̆ng, tơƀôh hơdăh đon pơhnŏng vă “arih xa hơdai hăm đak tih” mĭnh trong jang tôch kơchăng păng gơ̆h hơgei. Tơdrong roi tơƀôh rup hnam vă man lăp ‘lơ̆ng, athei năng kăl truh tơdrong kơjăp ‘lơ̆ng, man hrĕnh păng lăp hăm rim tơdrong đei tơ̆ tơring.  

VOV.Bahnar – Giĕng ou ki, hăm tơdrong pơgơ̆r đơ̆ng Kơdră Kuô̆k hô̆i Trần Thanh Mẫn, Kuô̆k hô̆i hlôi pơma đam gah tơroi pơtôch jăl jang Kuô̆k hô̆i kơ jăl 15 păng jăl jang 2021-2026 đơ̆ng Jơnŭm pơgơ̆r teh đak. Lơ̆m khei năr đei lơ tơplih, rim bơngai tang măt bơnê kơ 2 jăl jang adoi răk 'măn lơ tơdrong jang kơchăng hơbĕch, tơnăp, atŭm hăm noh tơlĕch lơ trong jang tih vă keh đang tơchơ̆t jang, hơtŏk tơdrong hơlen păng hơtŏk tơ-iung kơjăp sơđơ̆ng lơ̆m jăl jang đơ̆ng rŏng kơnh.

VOV.Bahnar  – Pơgê năr 4/12, tơ̆ thôn Chung Tam, Hơnih jang vei lăng kon pơlei xah Măng Ri, dêh char Quảng Ngãi pơtơm lêh iung jang kiơ̆ pơkăp “Tơdrong jang Quang Trung – Hăt hot man hnam 'nao, sơđơ̆ng tơdrong hơrih ăn kon pơlei xah Măng Ri”.

VOV.Bahnar - Tổng Bí thư Tô Lâm pơma hơdăh, tơdrong vei lăng năng tông bơngai hơven hơvo jo jăn ưh khan lăp găh tơdrong ‘mêm mơnat dih băl mă oei jing ‘long pơtŏ ăn tơdrong gơh hơgei oei sa ‘lơ̆ng, jĭ tơdrong kăl hloh kơ atŏk tơ iung kơjăp ‘lơ̆ng păng vang mơ̆t hơdoi lơ̆m apŭng plĕnh teh.

VOV.Bahnar - Pơjing Hla bơar tơbăt bơ̆ jang chinh trĭ kơ Hơnih chĕp pơgơ̆r Trung ương jăl XIV pơma hơdăh: “Tơ iung pơjing khul kang ƀô̆ chĕp pơgơ̆r, vei lăng kơ hơnih jang chinh trĭ, mă kăl kang ƀô̆ kơpal păng tơ̆ tơring tơpă gơh hơgei, bơ̆ jang ‘lơ̆ng, trŏ lăp hăm Tơdrong bơ̆ jang hle păng pơ koel atŏk tơ iung kơtang teh đak”. Tơdrong mă ou đei kang ƀô̆, đang viên rim dêh char groi kông, tơring sơlam teh đak lăng kơjăp păng đei nơ̆r tơgop tôch tơgăl găh trong jang kăl akŏm iung jang lơ̆m jăl truh ou kơnh.