Vă jê̆ 30 ‘nu ƀok thây pơgang, dược sĩ kơ hnam pơgang tơm Thủ Đức, Pơlei tơm Hồ Chí Minh, hlôi iung năm khăm jơhngơ̆m jăn păng ƀơk pơgang ming hơmet jĭ jăn ăn vă jê̆ 500 ‘nu kon pơlei. Jơ ‘năr ou, Hnam kmăi Nhiệt điện Vĩnh Tân 4 chă hơvơn đei 1 tân phe, mĭnh tơnô̆ 5 kĭ ăn kon pơlei năm khăm jĭ jăn; iung jang hơdoi hăm dôm bơngai đei jơhngơm đon ‘lơ̆ng pôk ăn 50 tơnô̆ kon jên hŏk pơhrăm păng păng tơmam drăm ăn hŏk tro ŭnh hnam tơnap tap. Hnam kmăi jei pơjao kon jên tơgum djru hơrih sa tơpôl hloh 500 triu hlak jên ăn Hơnih vei lăng kon pơlei tơring Vĩnh Hảo, ‘noh kon jên răt kmăi kmŏk jang pơgang păng man ‘nao, ming hơmet 6 pơbŭng hnam ‘mêm mơnat ăn ŭnh hnam dơnuh, ŭnh hnan đei iŏk yoa ăn teh đak mơmat tat găh hnam oei.