VOV.Bahnar – Lăng truh tơdrong pôk rơih bơngai jang tang măt ăn Kuô̆k hô̆i jăl 16 păng bơngai jang tang măt Hô̆i đŏng kon pơlei dôm jăl jang sơnăm 2026–2031, tơ̆ tơring sơlam kơ dêh char Gia Lai, khul linh vei sơlam teh atŭm hăm hơnih jang chinh trĭ păng tôm kon pơlei adoi tơƀôh hơdah đon lui păng sơnong jang tơnăp hloh. Rim tơring hơmet tơnăp vă tôm bơngai tah hla tơ̆ tơring sơlam adoi đei akŏm Năr sô̆ kơ teh đak.

VOV.Bahnar - Dôm năr ou, tơ̆ dêh char Dak Lăk, bơ̆ jang pơrô̆ tơbăt pôk rơih kơdră tang măt Kuô̆k hô̆i jăl XVI păng kơdră tang măt Jơnŭm vei lăng kon pơlei rim kâp, jăl jang 2026-2031 đei tơlĕch jang hrơ̆p mĭnh ‘măng, trŏ lăp hăm rim tơring. Tơ̆ rim tơring khop păng tơring đei kơdrơ̆m bơngao tăh hla ‘noh bơngai kon kông, tơdrong kơtơ̆ng ang đei pơtruh ăn kiơ̆ lơ trong, sơđơ̆ng ăn kon pơlei hlôh vao tôm tong găh hơnăp jang, sơnong ang đơ̆ng kơdih.

VOV.Bahnar - Sơnăm 2026, tơdrong jang tĕch mơdro tơ̆ teh đak đe kơ Việt Nam dơ̆ng tơ̆ hơnăp tơdrong pơkoel ưh khan lăp hơmet pơ ‘lơ̆ng dôm tơdrong ưh sơđơ̆ng đunh đai kơ mŭk drăm lơ̆m plenh teh, mă oei gô yak kĕ jing hơnih tŏk ‘nao kơjăp ‘lơ̆ng păng đunh đai. Kiơ̆ đơ̆ng khul joăt jang, tơdrong jang tĕch mơdro tơ̆ teh đak đe hơnơ̆ng jang kiơ̆ ‘lơ̆ng hơnăp jang ‘noh hơyak kăl hloh, adoi tơplih kơtang đơ̆ng tŏk kiơ̆ lang să jing tŏk kiơ̆ ‘lơ̆ng liĕm, jơnei păng kơjăp,; tơklep hăm pơm hơtŏk kơjă, tơmam drăm kmăi kmŏk păng kĕ pơm tơ-‘ngla kơ tơdrong jang mŭk drăm.

VOV.Bahnar - Lơ̆m jơ ‘năr Têt Nguyên đán Bính Ngọ ou ki, Hơnih bơ̆ jang kơ Radiô Nơ̆r Pơma Việt Nam oei tơ̆ tơring Miền Trung hlôi iung jang hơdoi hăm Khul kơdră chĕp pơgơ̆r Quân khu 5, Hơnih vei lăng jang pơgang pơlei tơm Đà Nẵng atŭm hăm lơ hơnih bŏ jang pơgơ̆r tơdrong jang “Pôk tơmam Têt, lang să jơhngơ̆m đon ‘mêm kơ eng dih băl”; khăm ĭ, ƀơk pơgang ăn kon pơlei dơnuh. Tơdrong jang ou mĭnh păh tơƀôh hơdăh jơhngơ̆m đon tơgoăt tơgoăl ƀô̆ đô̆i-kon pơlei, adoi hơnăp jang ‘lơ̆ng hơ iă hloh kơ khul ƀok thây pơgang lơ̆m bơ̆ jang vei lăng năng tông jơhngơ̆m pran jăng grăng akou ăn kon pơlei tơnap tap.

VOV.Bahnar - ‘Măng pôk rơih Kơdră tang măt Kuô̆k hô̆i jăl XVI păng kơdră tang măt Jơnum vei lăng kon pơlei rim kâp jăl jang 2026-2031 ‘noh tơdrong pơgơ̆r chinh trĭ gĭt kal, tơdrong hơpơi ‘meh vă păng sơnong pơm tơm kơ dih kơ Kon pơlei đei tơƀôh hơdăh dôm tơdrong ‘lơ̆ng hơ iă hloh. Năr lêh pôk rơih ‘noh năr lêh hơtŏ hơnơ̆ng, kơ jơhngơ̆m đon lui kơjăp păng hơnăp jang kon pơlei hăm tơdrong jang kơ teh đak.

VOV.Bahnar - Dôm năr tơjê̆ Tết Nguyên đán Bính Ngọ 2026, lơ tơring Tây Nguyên, tơring groi kông chơt hơiă dôm tơdrong jang hiơ̆k bơngơ̆t vei lăng tơdrong hơrih sa ăn ŭnh hnam teh đak tơgŭm, ŭnh hnam dơnuh hin, kon pơlei kon kông, tơƀôh jơhngơ̆m đon “Pơyan puih mak hiôk jơhngơ̆m - Têt ‘mêm kơ eng”.

VOV.Bahnar - Tơring “tơm” ‘mi kial hơbut hơbông pơrăm păh hơlech kơ dêh char Dak Lăk tŏk bŏk hơmet pơ ‘lơ̆ng ƀôh hơdăh mưh bơ̆ jang hơmet pơ ‘lơ̆ng đơ̆ng rŏng ‘mi kial hơbut hơbông pơrăm đei iung jang tơnăp, jơnei; dôm pơbŭng hnam ‘nao ‘lơ̆ng liem, tơdrong hơrih kơ kon pơlei roi năr roi sơđơ̆ng, jơhngơ̆m đon lui pang iung jang tơ iung pơjing hơnô̆ hơnăp đei iung jang kơtang. Um rup hla kơ ƀrê sơnglŏng dreng păr mơliơk tơ̆ dôm pơbŭng hnam ‘nao ming man pơjing đei jơhngơ̆m đon chơt hơ iă ‘nă hal, kơkuh song puih mak ‘nao Bính Ngọ 2026.

VOV.Bahnar - Tơ̆ Hơbnih gru gra gĭt kăl dăr sơnăm teh đak Hòa Thịnh, dêh char Dak Lăk, rim hơnih khul ƀô̆ đô̆i pơgơ̆r “Puih mak Quân khu 5 tơgoăt tơgoăl - Têt ƀĕnh ƀang jơhngơm đon ‘mêm kơ eng dih băl ƀô̆ đô̆i kon pơlei”, pơgơ̆r tôch gĭt kăl ba Têt hiôk chơt truh hăm kon pơlei tơring răm kơtang đơ̆ng ‘mi kial hơbŭt hơbông kơtang hloh pơrăm lơ̆m hơtuch sơnăm 2025.

VOV.Bahnar - Kŭm hăm dôm tơdrong tơgum tôch đei yoa đơ̆ng Đảng păng teh đak, dôm tơmam hơpăh kăp gĭt đơ̆ng khul linh păng bơngai đei đon ‘lơ̆ng hlôi tơgŭm ăn rơbâu unh hnam tơ̆ tơring sơlam kơ dêh char Lâm Đồng sơng 1 pơyan têt hiôk chơt, đei tôm tơmam yoa. Tơdrong tơtăm đơ̆ng khul linh, khul kơdră pơgơ̆r tơring păng tơpôl, hlôi tơgŭm ăn dôm pơlei pơla tơ̆ tơring sơlam roi chơt hơiă, pơjing jơhngâm đon hơđơ̆ng, dơ̆ng kơjăp ăn kon pơlei tơ̆ tơring sơlam kơ teh đak.  

VOV.Bahnar - Hơnih vei lăng tơgŭm tơpôl dêh char Đắk Lắk, Anih vei lăng găh jang pơgang Đắk Lắk jang hơdai hăm dôm anih jang tơgŭm pơgơ̆r Tơdrong jang Gala “Pơyan puih mak ‘mêm kơ eng - Têt ngôi hơdai”, asong tơmam păng pơjao lì xì Tết tơ̆ hơnih Vei lăng tơgŭm tơpôl dêh char păng hơioh đei tơdrong hơrih sa mơmat tat lơ̆m tơpôl.