VOV4.Bahnar -  Tơ̆ hơnăp ‘măng pơgơ̆r ‘Măng hop akŏm mă 9, Kuô̆k hô̆i jăl XV, bơngai tăh hla Tây Nguyên tơbăt jơhngơ̆m đon lăng truh kơtang dôm tơdrong tih kơ Teh đak, lơ̆m ou mă kăl tơdrong hơmet ming hơnih jang, khul jang kơtoei, jơnei păng trong jang kiơ̆ khoa hŏk kmăi kmŏk kiơ̆ Tơdrong tơchơ̆t kăl kơ Trung ương.

VOV4.Bahnar – Truh ‘năr 11/4, dêh char Kon Tum đĭ man ‘nao, pơm hơmet ming đei 1.928 tŏ hnam tơgŭm dôm ŭnh hnam kon pơlei sơđơ̆ng hơnih oei, sơđơ̆ng jơhngơ̆m jang sa.

VOV4. Bahnar - Đơ̆ng dôm sơnăm tăm kơrach tơblăh vang mơmat tat truih khei ‘năr rơngei hiôk hian, um rup ƀô̆ đô̆i Ƀok Hô oei ling lang gĭt kăl hlŏh lơ̆m jơhngơ̆m đon kon pơlei Việt Nam. Lăng truh Tơbăt 50 sơnăm năr rơngei tơring Pơbăh, khei năr ou ki lơ̆m teh đak hlôi pơgơ̆r lơ tơdrong joh ayŏ kơdŏ soang gĭt kăl. Đơ̆ng noh tơƀôh tơbăt jơhngơ̆m đon hưch hanh hơmanh bơnê kơtang kơ rim ƀô̆ đô̆i sơ̆ ki-dôm bơngai hlôi pơjing đei tơdrong rơngei hiôk hian hăm pham lĕch sĕch huŏng păng jơhngơ̆m đon lui yom.

VOV4.Bahnar – Kơsơ̆ 8/4, Anih jang đoan dêh char Đắk Lắk pơgơ̆r Hop akŏm pơtôch khei druh dăm sơnăm 2025. Kŭm hăm lơ tơdrong jang tôch đei yoa, khei druh dăm sơnăm ‘nâu, sơnăm mơlôh Đắk Lắk hlôi tơgop jên, năr jang, vang man păng pơjao 32 tŏ hnam ăn dôm bơngai pơmat tat.

VOV4.Bahnar - Jô̆ truh năr 3/4 hlôi đei jê̆ 1.900 unh hnam kon pơlei dêh char Kon Tum mă lơ noh kon pơlei kon kông pă đei oei lơ̆m hnam pơgia hnam hyah hyok bơih, gơnơm đei tơdrong jang sut lê̆ hnam pơgia hnam hyah hyok đei dêh char tơlĕch jang tenh kuăng.

VOV4.Bahnar – Kơsơ̆ năr 3/4, Khul jang hơlen kơ Anih jang Kuôk hô̆i hlôi pơm jang hăm Anih jang vei lăng kon pơlei dêh char Đăk Lăk gah tơdrong pơm kiơ̆ tơchơ̆t, khôi luơ̆t hơtŏk tơ-iung păng iŏk yua bơngai jang pơtrŏ hăm tơdrong tơchơ̆t hơtŏk mŭk drăm – tơpôl.

VOV4.Bahnar - ‘Năr 31/3, tơ̆ pơlei tơm Nha Trang, dêh char Khánh Hòa pơgơ̆r “Hop akŏm lơ̆m teh đak vei kơjăp, tơlĕch jang 1,2 hla ar đơ̆ng Ban Bí thư găh tơdrong jang vei lăng hơdrĕch kon kông, lui khop”.

VOV4.Bahnar – Tơ̆ xah Đăk Blà, pơlei tơm Kon Tum, dêh char Kon Tum, Anih tơm Kŏng an 'nao jang atŭm hăm dêh char Kon Tum pơgơ̆r Lêh iung jang tôm kon pơlei vang sut lê̆ hnam pơgia, hnam hyah hyok lơ̆m dôm dêh char tơring Tây Nguyên.

VOV4.Bahnar - Giĕng ou ki, tơ̆ Hnam Kuô̆k hô̆i pơgơ̆r Hop akŏm kơdră tang măt ‘măng mă 7, vă pơma dơnuh găh rim tơdrong vă jang Khôi luơ̆t pơtruh ăn Kuô̆k hô̆i ‘măng mă 9, Kuô̆k hô̆i jăl XV. Tơ̆ hop akŏm, rim kơdră tang măt Kuô̆k hô̆i hlôi akŏm pơma dơnuh tôm tong, trŏ ƀlep dôm tơdrong mă bơngai tăh hla păng on pơlei lăng truh, lơ̆m ou đei dôm tơdrong tơchơ̆t kơ khôi luơ̆t lơ̆m chăl tơplih kơsô̆.

VOV4.Bahnar - Truh ‘năr 23/3, dêh char Kon Tum hlôi jang kiơ̆ man ‘nao păng pơm hơmet ming đei 1.643 tŏ hnam lơ̆m akŏm đĭ đăng kơsô̆ 2.752 tŏ hnam kăl kơ pơm hơmet kơjăp ‘lơ̆ng. Đĭ đei apŭng lơ̆m dêh char jang vă jê̆ đang sut hnam pơgia, hnam hiah hiok ăn kon pơlei.