Đơ̆ng rŏng pơtôch jăl jang pơyan phang 2025-2026, đơ̆ng năr 25/6 truh năr 3/9, Hơnih Ƀô̆ đô̆i dêh char Gia Lai hơnơ̆ng ăn khul ƀô̆ đô̆i iung jang hơdoi hăm khul vei lăng, ba trong kơ 3 dêh char Hơlĕch Tu Campuchia pơrô̆ pơrôp kon pơlei tơroi tơbăt găh hơnih ƀŭ ƀô̆ đô̆i lôch dŏng teh đak, tơgŭm djru ăn tơdrong jang năm tơchă, kôch akŏm pơyan phang 2026-2027. Lơ̆m khei năr ou, Khul K52 hlôi năm dăr lăng 254 pơlei tơ̆ ƀar dêh char Ratanakiri păng Stung Treng. Đơ̆ng năr 12/8 truh dang ei, Khul hlôi kôch akŏm đei 5 kơl ƀô̆ đô̆i lôch dŏng teh đak, lơ̆m ou đei 3 kơl tơ̆ dêh char Ratanakiri păng 2 kơl tơ̆ dêh char Stung Treng; adoi hơlen hơdăh găh tơdrong ƀŭ blŭng a rim ƀô̆ đô̆i lôch dŏng teh đak. Đơ̆ng noh pơm hơtŏk akŏp kơsô̆ mă Khul hlôi kôch akŏm dĭng truh dang ei đei 1536 kơting ƀô̆ đô̆i păng bơngai joăt jang Việt Nam lôch răm tơ̆ Campuchia păng chơ brŏk tơ̆ teh đak.