Kiơ̆ đơ̆ng noh, lơ̆m sơnăm ou, tơring gô asong hơnih oei sơđơ̆ng ăn  1.133 unh hnam tơ̆ dôm tơring ƀônh ƀơm tŏ 'mi kial pơrăm, tŏk 153 unh hnam pơtêng hăm pơkăp mă blŭng. Tơdrong hơmet vă hơtŏk tenh 'nhăk kon pơlei lĕch đơ̆ng tơring teh hơlih, đak lơ̆p vă truh hơnih oei sơđơ̆ng.

Dôm tơring đei hơtŏk tenh pơm jang noh: Hơnih oei 'nao ăn kon pơlei tơ̆ thôn Trà Cong, xah An Hòa; Asong hơnih oei 'nao ăn kon pơlei ƀơm tŏ 'mi kial pơrăm tơ̆ thôn Sông Ba, xah Ia Rsai păng Asong hơnih oei 'nao tenh kuăng ăn tơring teh hơlih ah kông Gành, thôn Xuân An, xah Đề Gi. Đơ̆ng dang ei truh sơnăm 2030, dêh char Gia Lai asong hơnih oei sơđơ̆ng ăn kon pơlei tơ̆ tơring đak lơ̆p noh 1.858 unh hnam tơ̆ 13 tơdrong pơkăp asong hơnih oei 'nao păng 3 tơdrong jang pơgep. Tơdrong tơlĕch jang kăl đei kon jên pơm jang 'noh hloh 1.087 tih hlj, lơ̆m noh hloh 207 tih hlj tơgŭm kơtă ăn kon pơlei gah hnam oei, yông jăk, hơtŏk jang xa, păng đak sŏ nhă.