Kiơ̆ tơroi đơ̆ng Khul sir kôch kơting linh lôch tang, lơ̆m năr, rim khul jang pơtoi chơ chă hơnih mă 2 lơ̆m Bro B, sir kôch hloh 500m³ teh păng pơih să hơnih chơ chă. Khul chơ chă sir kôch akŏm kơting linh lôch tang lơ̆m Hơnih tơm vei lăng Khul linh pơlei tơm HCM hlôi ƀôh băt, sir kôch đei 10 kơting linh lôch tang păng minh tơmam yua kơdih tơ̆ Bro B, Cham să Lê Thị Riêng.

Jô̆ đơ̆ng năr 23/6 truh đĭ năng 7/9, dôm khul sir kôch hlôi ƀôh băt, sir akŏm đei 592 kơting linh lôch tang, lơ̆m noh đei 274 kơ̆l kơting đei tơmam yua kơdih. Lơ̆m kơsô̆ ou, 559 kơting đei ƀôh tơ̆ hơnih rah rai; 33 kơ̆l kơting đei chă ƀôh ah 8 hơnih ƀŭ atŭm, đei 2 hơnih tơ̆ Bro A păng 6 hơnih ah Bro B. Tơdrong chơ chă, sir kôch kơting linh lôch tang tơ̆ Cham să Lê Thị Riêng tŏk bŏk đei pơtoi pơm jang.