Dêh char Đăk Lăk dang ei đei 34 pơsat linh lôch tang hăm hloh 15.200 pơsat ƀŭ, lơ̆m noh đei hloh  4.100 pơsat tam mă băt hơdah hơnăn, pơlei pơla păng hloh 4.000 pơsat kăl iŏk kơcheh kơting vă pơkăp ADN. Atŭm hăm tơdrong jang iŏk kơcheh pơkăp ADN, dêh char sơkơ̆t hơdah 584 tơring đei pơsat linh lôch tang tam mă đei kôch akŏm, hăm hloh 6.000 pơsat athei hơlen hơdah.

Rim khul jang hlôi hơlen lăng tơ̆ 79 xah, phương, chih akŏm đei 90 tơdrong kăl păng akŏm đei 7 kơting linh lôch tang. Tơ̆ Campuchia, pơyan phang ou ki, Khul K51 hlôi sir akŏm đei 27 kơting linh lôch tang. Dang ei Đăk Lăk oei hăt hot jang tenh tơdrong jang vă sir akŏm 180 kơting linh lôch tang păng keh đang iŏk kơcheh kơting hăm 4.019 hơnih pơsat linh lôch tang tam mă băt hơnăn măt lơ̆m sơnăm 2026.