Kiơ̆ kơ ‘noh, rim hnam trương gô sơng đei dang 3.000 ‘nu hok tro đơ̆ng lăm 1 truh lăm 9 tơ̆ rim tơring Buôn Đôn, Ia R’vê hăm Ia Lốp lơ̆m sơnăm hŏk 2026–2027. Trong jang ou sơđơ̆ng măh mai ăn tơdrong ‘meh vă hŏk pơhrăm kơtă ăn hok tro tơ̆ tơring, lơ̆m ou tơchĕng hơdrol dang 40% hŏk tro đơ̆ng lăm 4 năm tơ̆ kơpal gô chih anăn hŏk pơhrăm oei sa kơtă lơ̆m hnam trương, găh hăm hŏk tro đơ̆ng lăm 1 truh lăm 3 ‘noh găh lơ mĕ ƀă hŏk tro tim mă apĭnh ăn oei sa kơtă kơ yuơ đe hơ ioh oei ‘lơ̆p. Dôm bơngai đei lăng kơjăp krao mơ̆t hŏk ‘moi kiơ̆ găh tơdrong đei ƀôh yan ou nhen ŭnh hnam oei hơtăih kơ hnam trương, kon hơ ‘lơ̆p ŭnh hnam tơnap tap, unh hnam dơnuh, vă jê̆ dơnuh dăh mă kon hơ ‘lơ̆p kon kông.