4 tơdrong vă jang hnam trương teh đak rong ‘me jăl mĭnh jăl ƀar đei tơlĕch iung jang tơ̆ rim tơring Rờ Kơi, Dục Nông, Sa Loong, Mô Rai, hăm kon jên tơmơ̆t jang hloh 872 ti hlak jên. Truh dang ei, bơ̆ jang pơjing hnam trương, hơmet pơ ‘lơ̆ng khul kơdră vei lăng păng krao mơ̆t hŏk hlôi jang keh đang. Akŏp ming man keh đang kơ 4 tơdrong vă jang jơnei 85%. Lơ̆m ou Hnam trương teh đak rong ‘me jăl mĭnh - Jăl ƀar Rờ Kơi hơdrin ming man keh đang hơdrol năr 15/8. Dêh char Quảng Ngãi athei hơvơn rim khul vă ming man keh đang ƀlep trong tơlĕch ăn pơđĭ 4 hnam trương hơdrol năr 30/8 vă tơtom tơmơ̆t iŏk yoa, sơđơ̆ng ăn trong tơlĕch ăn atŏk tơ iung pơtho pơhrăm tơklep hăm sơđơ̆ng tơpôl păng hơmet pơ ‘lơ̆ng sơđơ̆ng teh đak, sơđơ̆ng tơring sơlam teh đak.