Dang ei dôm hnam trưng teh đak rong tơ̆ dôm xăh Buôn Đôn, Ia Rvê, Ia Lốp păng Ea Rốk kơ dêh char Đắk Lắk hlôi jang đang đơ̆ng 83% truh hlŏh 90% tơdrong jang ming man jăl 1.

Dôm anih iŏk ming man oei hơtŏk ka, hơtŏk kip jang, vang jang hơdoi hăm khul linh đơ̆ng Anih chĕp kơ̆l pơgơ̆r khul linh dêh char jăh man pơkĕh dôm anih tam mă đang, chô̆ unh điên, rap kơmăy, hơmet pơ ‘lơ̆ng anih jang ki thuơ̆t păng hơmet ming cham char, pơm ‘lơ̆ng pơjao trŏ năr hơgăt. Sơnăm hŏk 2026-2027, dôm hnam trưng vă sơng iŏk hlŏh 4.700 ‘nu hŏk tro, mă lơ ‘nŏh jĭ hŏk tro kon kông tơ̆ tơring sơlam păng tơring pơmat tat dêh hlŏh.