Lâm Đồng jang đang tơdrong iŏk kơmâu ADN kơting linh lôch tang ăn teh đak
Thứ năm, 06:00, 13/08/2026
VOV Tây Nguyên/Thuem tơblơ̆
VOV Tây Nguyên/Thuem tơblơ̆
VOV.Bahnar - Bơ̆jang kiơ̆ “Tơdrong jang 500 măng năr tŭn pran bơ̆jang kiơ̆ tơchă, sir dônh akŏm păng chih hơdăh hơnăn kơting linh lôch tang ăn teh đak”, Anih pơgơ̆r jang 515 dêh char Lâm Đồng hlôi jang đang tơdrong iŏk kơmâu ADN kơting linh lôch tang ăn teh đak, hrôih 3 khei pơting hăm trong jang tơlĕch ăn.
Tơ̆ 11 pơsat ƀŭ linh lôch tang ăn teh đak, khŭl linh kơpal dêh char Lâm Đồng hlôi sir iŏk 4.776 pơsat tam mă đei băt hơnăn. Kiơ̆ đơ̆ng noh, iŏk đei 3.625 kơmâu tơmam.
Đei hloh 1100 pơsat ưh kơ iŏk đei kơmâu dăh mă ưh kơ đei tôm tơdrong vă hơlen lăng ADN. Kơplăh tơlĕch jang iŏk kơmâu tơmam păng chih tơmơ̆t lơ̆m kơmăy kơsô̆ kơting linh lôch tang ăn teh đak đei bơ̆jang kiơ̆ hăt hot, kơjăp, ‘lơ̆ng, đơ̆ng dăr hơlen hơnăn chih, băt hơdăh hơnih pơsat truh iŏk kơmâu, vei lăng păng chih hơmet pơ ‘lơ̆ng hla ar hô sơ pơyua ăn hơlen lăng. Rim khŭl linh vang jang kŭm vei sơđơ̆ng tơpăt ‘meh vă jang hơgei, hơdai hăm pơvei jơhngơ̆m đon pơyom hăm dôm pơsat linh lôch tang ăn teh đak.
Viết bình luận