Kiơ̆ apĭnh, hŏk tro dêh char Gia Lai gô đei mơng hla ar hŏk tôm kiơ̆ hla ar tŏk bŏk hŏk. Hla ar hŏk yua đơ̆ng Teh đak răt, hơmet ăn kơ thư viện rim anih pơtho pơhrăm; hŏk tro mơng lơ̆m sơnăm hŏk păng pơdreo dơ̆ng vă yua dơ̆ng ăn dôm sơnăm hŏk đơ̆ng rŏng.

Tơdrong jang tơgŭm tơchĕng hơdrol tơmơ̆t yua hăm hŏk tro hŏk jăl 2 păng jăl 3 păng bơngai hŏk pơtho pơhrăm hơnơ̆ng lơ̆m dêh char găh dôm grŭp nhen: bơngai kon kông, jo jăn, unh hnam dơnuh hin, vă jê̆ dơnuh hin; hơioh ưh kơ đei bơngai rong ‘me; kon linh lôch tang ăn teh đak, linh jĭ rơka, linh jĭ jăn păng 1,2 ‘nu bơngai teh đak tơgŭm nai. Tơdrong jang tơgŭm đei bơ̆jang kiơ̆ đơ̆ng sơnăm hŏk 2026-2027 truh đĭ sơnăm hŏk 2028-2029. Đơ̆ng sơnăm hŏk 2029-2030, tơdrong asong đĕch hla ar hŏk gô bơ̆jang kiơ̆ tơdrong jang tơgŭm atŭm đơ̆ng Trung ương.