Tơdrong iŏk jang sơnong kơpal păng jên xa tơgŭm tơdrong jang; atŭm hăm noh pơkăp kơsô̆ bơngai jang, kơchư̆k tơdrong jang păng jên tơgŭm hăm bơngai vang jang lơ̆m jơnŭm pơgơ̆r tơ̆ thôn, kueng kơphô̆ lơ̆m tơring. Tơchơ̆t tơbang hơdah, ah mă kang ƀô̆, bơngai jang tơ̆ xah dah mă bơngai jang kiơ̆ kơchư̆k pơkăp nai tơjur minh 'nu bơngai kiơ̆ tơchơ̆t đei xa tôm 100% jên tơgŭm dah mă jên tơgŭm ăn jang lơ tơdrong; mưh bơngai iŏk jang lơ tơdrong jang đei xa jên tơgŭm 1 pơkăp kơjung hloh.

Jên tơgŭm đei vei sơđơ̆ng iŏk đơ̆ng jên mong Trung ương pơkăp asong păng jên mong kơ tơring. Hăm bơngai jang tơgŭm lơ̆m jơnŭm pơgơ̆r tơ̆ thôn, kueng kơphô̆, đei xa tơgŭm kiơ̆ tơchơ̆t kơ rim tơring. Hơdah, Ƀĭ thư Chi ƀô̆ đei xa jên hăm kơsô̆ pơkăp 2,8 'măng jên khei pơkăp ăn thôn, kueng kơphô̆ kơluăi 1 păng 2,5 'măng tơ̆ dôm tơring nao; Kơdră thôn, kơdră kueng kơphô̆ đei xa jên khei hơtŏ 2,7 păng 2,3; Kơdră Jơnŭm jang gah Măt trâ̆n đei xa jên khei hơtŏ hăm 2,5 păng 2,0 'măng jên khei tơm.