Kơtơ̆ng ang gah hơnih ƀŭ 2 kơ̆l kơting linh lôch tang lơ̆m 'măng tơblah ah sơnăm 1962 đei ƀok Trần Xuân Lý, 71 sơnăm, kon pơlei tơ̆ thôn Trung Lương 1, tơroi tơbăt. Tơ̆ hơnih băt tơ̆ thôn Trung Lương 1, xah Tuy An Tây, khul juăt jang chă ƀôh 2 kơ̆l kơting đei 'nŭng lơ̆m kuăl tăng, atŭm hăm tơmam yua hơdoi. Pơtêng hăm kơtơ̆ng ang đơ̆ng bơngai bơ̆ng pang tơroi, khul juăt jang sơkơ̆t hơdah ou jĭ kơting linh lôch tang ăn teh đak păng pơgơ̆r sir kôch akŏm kiơ̆ tơchơ̆t.

Dang ei 2 kơ̆l kơting linh lôch tang đei vei lăng, soi ƀlŏk tơ̆ Pơsat ƀlŏk tơbăt Tuy An, xah Ô Loan, dêh char Đăk Lăk. Jô̆ truh dang ei, lơ̆m Tơdrong jang 500 măng năr hơtŏk kơtang chơ chă, sir kôch păng sơkơ̆t hơdah hơnăn măt linh lôch tang ăn teh đak, Khul K51 hlôi chơ chă, sir akŏm đei 54 kơ̆l kơting linh lôch tang lơ̆m tơring teh kơ dêh char Đăk Lăk păng dêh char Mondulkiri, teh đak Campuchia.