Tơring Quân khu 7 bơ̆ jang đei Pơlei tơm Hồ Chí Minh, Đồng Nai, Lâm Đồng păng Tây Ninh. Lơ̆m ‘Măng iung jang 500 măng năr, Quân khu đei pơjao tơchă kôch akŏm 900 kơl ƀô̆ đô̆i lôch dŏng teh đak lơ̆m ‘măng mă 1 păng 1.500 kơl ƀô̆ đô̆i lôch dŏng teh đak lơ̆m pơđĭ ‘măng iung jang. Truh dang ei, lơ̆m Quân khu hlôi kôch akom đei hloh 1.600 kơl ƀô̆ đô̆i lôch dŏng teh đak. Lơ̆m bơ̆ jang hơlen băt hơdăh hơnăn ƀô̆ đô̆i lôch dŏng teh đak, Quân khu hlôi jang keh đang kôch iŏk 30.650 kơcheh kơting pơvih pơvăn ăn khăm hơlen ADN. Lâm Đồng jĭ dêh char jang keh đang hrôih hloh, lơ̆m năr 12/8. Quân khu jei jang keh đang chih tơmơ̆t lơ̆m kmăi kmŏk kơsô̆ dôm kơtơ̆ng ang tơ̆ 58 pơsat teh đak, pơjing yưh liu pơvih pơvăn ăn vei lăng păng hơlen băt hơdăh hơnăn rim ƀô̆ đô̆i lôch dŏng teh đak. Hrei ou rim khul tŏk bŏk hơlen hơdăh kơtơ̆ng ang păng iung jang năm tơchă kơting ƀô̆ đô̆i lôch dŏng teh đak.