Lơ̆m jăl mă 1, khul jang kơpal kơ dêh char Lâm Đồng pơgơ̆r 32 ‘măng năm dăr lăng, sir chă, kôch iŏk đei 26 kơ̆l linh lôch tang ăn teh đak tam mă băt hơdăh hơnăn. Dôm khul jang pơgơ̆r iŏk kơmâu kơting tơ̆ 3.625 tŏ pơsat oei gơ̆h set hơlen ADN, jang đang adrol năr hơgăt truh 3 khei. Công an dêh char Lâm Đồng hlôi iŏk đei hlŏh 1.300 kơmâu pham đơ̆ng ‘nhŏng oh kiơ̆ pang găh mĕ kơ đe linh lôch tang ăn teh đak tam mă băt hơnăn.

Bơ̆ jang jăl mă 2 Tơdrong jang 500 măng năr sir chă, kôch iŏk păng chih hơdăh hơnăn linh lôch tang ăn teh đak, dêh char Lâm Đồng tơlĕch đon pơhnŏng sir chă, kôch iŏk dang 100 kơ̆l linh lôch tang ăn teh đak. Vă jang đei tơdrong ‘nâu, dêh char hơnơ̆ng pơm hơtŏk hơnăp jang đơ̆ng rim anih jang chinh trĭ, krao hơvơn kon pơlei roi tơbăt dôm tơdrong kăl. Khul jang vă hơnơ̆ng bơ̆ jang hơdoi hăm dôm khul tơpôl, khul kơdră pơgơ̆r păng kon pơlei tơ̆ tơring./.